O'zbekistonlik himoyachiga jiddiy qiziqish borligini tushungan "Nijniy Novgorod" darhol futbolchisi bilan bitim muddatini uzaytirdi. Ibrohimhalilning yangi shartnomasi 2024/2025 yilgi mavsum oxirigacha amal qiladi. Biroq Yo'ldoshev "Nijniy Novgorod" darajasidan ancha o'sdi va o'zini kuchliroq jamoada sinab ko'rishi mumkin edi.
Rossiyalik jurnalist Nikolay Egorichev "shampionat.asia" uchun maxsus Ibrohimhalil Yo'ldoshevning o'yinini o'rganib, o'zbek futbolchisining istiqboliga baho berdi.
Kuchli tomonlari: tezlik, hujumga kirishish, dribling, to'p uchun kurash
Yo'ldoshev — "zamonaviy" chap qanot himoyachisi. "Zamonaviy" so'zi ostida malum sifatlarni tushunish zarur. Yaqin yillarda ham bunday sifatlar Yo'ldoshev poziciyasi vakili uchun odatiy emasdi. Ibrohimhalil o'zining butun professional faoliyati davomida chap qanot himoyasida harakatlandi. SHu bilan birga, u raqib darvozasi yaqinida yaxshiroq o'ynashini takidlash lozim. Keling, Rosssiya chempionatining boshqa chap qanot himoyachilari bilan uning statistik ko'rsatkichlarini solishtirib ko'ramiz.
O'yinchi | Uzatmalar soni | Muhim uzatmalar | Havodan berilgan paslar | Zarbalar | Yakkakurash (muvaffaqiyatli) | To'pni olib qo'yish/ilib ketish | Aldab o'tishlar |
Ibrohimhalil Yo'ldoshev | 32 | 0,44 | 1,78 | 0,3 | 15 (48%) | 3,8/3,7 | 4,7 |
Ayrton ("Spartak") | 48 | 0,47 | 2,7 | 0,83 | 16 (56%) | 4,3/4 | 4,9 |
Krugovoy ("Zenit") | 37 | 1,16 | 2,6 | 0,5 | 7 (64%) | 1,53/2 | 2,5 |
Skopincev ("Dinamo") | 34 | 0,19 | 1,7 | 0,89 | 11 (49%) | 2,5/3,6 | 4,2 |
Samoshnikov ("Rubin") | 44 | 0,4 | 1,48 | 0,92 | 17 (62%) | 7/6 | 3,7 |
Tiknizyan ("Lokomotiv") | 34 | 0,3 | 1,45 | 0,15 | 10 (59%) | 2,1/4 | 2,5 |
Oblyakov (CSKA) | 58 | 1,15 | 1,96 | 0,85 | 13 (56%) | 3,8/4,9 | 2,2 |
* InStat malumotlaridan foydalanildi, ko'rsatkichlar — har o'yin uchun o'rtacha
Jadvalda ko'rib turganimizdek, RPLning etakchi klublarida to'p tepadigan o'yinchilardan Yo'ldoshevning hech qanday kam joyi yo'q. Hattoki, bazi ko'rsatkichlarga ko'ra, u yaxshiroq ham.
Ibrohimhalil har o'yinda uzatmalarining o'rtacha soni (32) ko'zga ko'rinadi. Bu yuqoridagi futbolchilarnikidan kam, albatta. Ammo bu Yo'ldoshevning aybi emas, axir "Nijniy Novgorod" asosan himoyada o'ynaydi-ku! Jamoa har o'yinda o'rtacha 354ta pas bergan — bu borada Rossiyada faqatgina "Ufa"da yomonroq natija (348ta).
Ibrohimhalilning keskinlashtiruvchi (sherigiga zarba berish) va havodan beradigan uzatmalari ko'rstatkichi o'rtacha. SHunga qaramay, Yo'ldoshev yakka kurash, aldab o'tish, to'pni olib qo'yish va ilib ketish bo'yicha RPLda o'z poziciyasida eng yaxshilardan biri hisoblanadi.
O'zbekistonlik himoyachining yana bir kuchli jihati — tezlik. Umuman, Ibrohimhalilning jismoniy holati yaxshiligidan to'p uchun kurash va havodagi kurashda o'zini qulay his qiladi. Bo'yi pastroq bo'lishiga qaramay (171 sm), Yo'ldoshev ikkinchi qavatdagi kurashlarning 1/3 qismida ustun kelmoqda.
Kuchsiz tomonlari: himoyaviy o'yin, zarbalar, o'ng oyoq bilan harakatlanish
Yo'ldoshevning zaif jihatlaridan himoyadagi harakatlarini aytish mumkin. Ha, uning har o'yindagi kurash va to'pni olib qo'yish bo'yicha o'rtacha ko'rsatkichlari yaxshi, lekin bazida u o'z darvozasi yonida xatolarga yo'l qo'yadi. InStat tahliliy sayti malumotiga ko'ra, joriy mavsum Yo'ldoshevning 3ta xatosidan keyin jamoasi gol qo'yib yuborgan.
Bundan tashqari, Ibrohimhalil maydonning o'z jamoasi tarafida to'pni ko'p oldirib qo'yadi (1,74). Bu natija jadvalda keltirilgan o'yinchilarnikidan ko'proq.
SHuningdek, Yo'ldoshevning yana bir sust tomoni o'ng oyoq bilan o'ynash va raqib darvozasiga zarba berish. Ibrohimhalil — haqiqiy chapaqay o'yinchi. SHuning uchun, kamdan-kam hollarda o'ng oyoqda harakatlanadi va qanotidan markazga deyarli o'tmaydi. Yo'ldoshevning zarbalariga aniqlik etishmaydi. Ibrohimhalil "Nijniy Novgorod" safida atigi 1ta gol urgan va u ham bo'lsa "Spartak" darvozasiga — bosh bilan zarbadan keyin.
Xulosa
Yo'ldoshev — o'z poziciyasida RPLning eng yaxshi himoyachilaridan biri. U haqiqatdan ham "Nijniy Novgorod" darajasidan ancha o'sdi. O'zini boshqa klubda sinab ko'rishi mumkin. Biroq uning o'yin uslubi hamma jamoaga ham to'g'ri kelavermaydi. O'zbekistonlik futbolchi raqib darvozasi yonida yaxshiroq o'ynaydi va 3ta markaziy himoyachi sxemasida o'zini qulayroq his qiladi. SHunda u ortida o'zini qo'llaydigan, zonani kerak bo'lsa yopadigan futbolchi borligini bilib, hujumga bemalol qo'shila oladi.
Yo'ldoshev faoliyatini qaerda davom ettirmasin, o'z ustida tinimsiz mehnat qilishi zarur. SHu yo'l bilan professional jihatdan o'sishi va yanada rivojlanishi mumkin. Kim biladi deysiz, ehtimol u ham SHomurodovga o'xshab Evropa top-chempionatiga yo'l olar?!
Nikolay Egorichev "shampionat.asia" uchun maxsus
Bosh sahifaga
172