Xavi Garsiya: "Nasaf"ga qarshi o'yinda g'alaba qozonishdan boshqa choramiz yo'q"

O'yin haqida

Xavi Garsiya:

-"Nasaf"ga qarshi ikkinchi o'yinimiz. Hozirda barcha jamoalarga ochko kerak bo'lmoqda. Bu o'yin birinchisidan farq qilishiga umid qilaman. Bu gal oldingi safardagidek 9 o'yinchi bilan emas 11 o'yinchi bilan o'ynashni istaymiz. O'yin teng kurashlar ostida kechishiga aminman. "Nasaf" juda shakllangan, raqobatbardosh jamoa. Biz esa avvalgi o'yindagi xatolarni to'g'irlashimiz lozim. So'nggi o'yin OCHLdagi eng yomon o'yinimiz bo'ldi.

Yusuf Abdurishag:

-Albatta, bu o'yin biz uchun juda muhim. Avvalgi o'yinda ikki kishi kam bo'lib qoldik va kurashish juda qiyin bo'ldi. Bu safar esa uch ochko olishga harakat qilamiz. Asosiy maqsadimiz g'alaba qozonish. SHu orqali guruhda birinchi o'rinni egallashimiz mumkin bo'ladi.

-Barcha jamoalarga ochko kerak dedingiz. Ammo agar bu o'yinda mag'lub bo'lsangiz deyarli barcha narsa yoqotiladi. "Nasaf" esa guruhdagi himoyasi eng kuchli jamoalardan. SHu haqida gapirsangiz...

Xavi Garsiya:

- Aytganingizdek, "Nasaf"ga qarshi o'yinda g'alaba qozonishdan boshqa choramiz yo'q. Agar mag'lub bo'lsak, musobaqa biz uchun yakunlanadi. Birinchi o'yindagi tajribamizda kelib chiqib harakat qilamiz. O'ylaymanki, bu vazifani uddalaymiz. Bu safar o'tgan galgidek to'qqiz kishi bo'lib o'ynamaymiy deb o'ylayman. Ikki kishi kam bo'lib ham "Nasaf"ning hujumlariga dosh bera oldik. O'yin oxirida gol urishimiz ham mumkin edi. SHu sabab ham o'yinga tayyormiz deb ayta olaman.

-Futbolchilardagi hozirgi bosim musobaqa avvalidagisidan yuqoriroqmi?

Yusuf Abdurishag:

- To'g'risini aytsam, bu juda muhim o'yin bo'lganligi sabab biroz hayajon bor. Ammo biz o'z tajribamizga ishonamiz. Nima qilish kerakligini ham bilamiz. Maydonga chiqib, o'z o'yinimizni ko'rsatishimiz kerak.