Sport, xususan futbol sohasida turli tadbirlarni o'tkazib kelayotgan "Inter Sport" MCHJ O'zbekiston futbol associaciyasi bilan hamkorlikda katta ishga qo'l urdi.
Gap shundaki, 2021 yil 23-30 avgust kunlari O'zbekiston Respublikasi Mustaqilligining 30 yilligiga bag'ishlab 40 yosh va undan katta futbol faxriylari o'rtasida "Xalqaro futbol va madaniyat festivali" o'tkaziladi va mazkur tadbir "Evropa futbol faxriylari uyushmasi"ning O'zbekistondagi rasmiy hamkori "Inter Sport" MJCH tashabbusi bilan O'FA hamkorligida tashkil etiladi.
Mazkur tadbirni yuqori saviyada o'tkazish maqsadida "Inter Sport" MCHJ vakillari O'FA Bosh kotibi Avaz Maksumov bilan uchrashib, tomonlar tashkilotchilikka doir masalalarni o'zaro hal qilib olishdi. Malumot uchun, 40 yosh va undan kattalar o'rtasidagi "Mustaqillik Kubogi-2021" xalqaro turnirida 16ta jamoa ishtirok etadi. To'rtta jamoa O'zbekiston vakili hisoblansa, 12 jamoa Evropa va qo'shni Osiyo davlatlaridan tashrif buyuradi.
SHu yilning avgust oyida yurtimizga 400 nafarga yaqin havaskor sportchilarning tashrifi kutilmoqda. Yirik tadbir "Xalqaro futbol va madaniyat festivali" nomini olgani bois xorijlik mehmonlar faqat futbol o'ynabgina qolmay, ular uchun bir qator ko'ngilochar va madaniy tadbirlar, shuningdek ko'hna Samarqand va Buxoroga sayohat tashkil etiladi.
"Inter Sport" MCHJ "Xalqaro futbol va madaniyat festivali"ni yuqori saviyada o'tkazish maqsadida faxriylar futboliga befarq bo'lmagan insonlarni hamkorlikka chorlab qoladi.
Bog'lanish uchun: +998 97 7205197 (Dilshod Ibrohimov)
Bosh sahifaga
268