Dushmanligimizdan emas, achinganimizdan. CHunki yurt jamoasining faqat yutug'i emas, mag'lubiyati ham o'zimizniki. Olqishlar, qarsaklar bilan qachongacha o'zimizni aldaymiz? "Paxtakor"
mamlakatning bosh jamoasi, O'zbekiston chempioni, ko'p yillik tarixga ega. Lekin nima beryapti shular? Yana qancha eski g'alabalar bilan kekkayib yuramiz?
1. Noto'g'ri selekciya ishlari
O'zbek futbol jamoatchiligiga yaxshi tanish bo'lgan avstraliyalik murabbiy Mirko Yelichichi bir necha yillar avval bu borada tan olib bir gapni aytgandi.
- Legionerlar masalasi? Ha, biz legionerlarni tanlashda adashyapmiz. Bizda skautlar yo'q. SHu boisdan ham yutubdagi roliklarini ko'rib ularni jalb qilamiz. Agarda Marat Bikmaevni o'yinlarini qirqib, rolik qilib yasasa, ishoning, unga "Real" jamoasi qiziqib qoladi.
- "Paxtakor" vice-prezidenti Samvel Babayan yuqori saviyali legioner tanlagani Serbiyaga Islom Xodjaevni yuborgan ekan. U klubimizga kelib, bir necha marta o'yinlarimizni ko'rdi va meni jamoaga taklif qildi. "Paxtakor"ning tarixini o'qib, taklifga tezda rozilik berdim va yig'inlarga jo'nab ketdim. (c) Boyan Miladinovich
Haqiqatdan ham shunday. Xo'sh, "Paxtakor"da selekcioner, skaut bormi, degan savol tug'iladi. Larin va Xajiev sof selekciya mahsuli emasligi OCHLda yaqqol bilinib qoldi. Bunga klubda javob beradigan masullar bor, sport direktori, bosh murabbiy. Aftidan Larin va Xajiev ham roliklar orqali ko'rib olib kelingan.
2. Hujumdagi muammolar
Ushbu omil bevosita yuqoridagi fikrlarga bog'lanib ketadi. "Paxtakor"da hozir men uchun bitta legioner bor, Dragan CHeran. Slavche Voyneski uchun ham u muhim futbolchiga aylanib ulgurdi. CHunki mavsum boshidan buyon CHeranni hujumchi sifatida o'ynatib kelyapti va yaxshi foyda keltirayotgandi. Piter Xyuistra esa SHerzod Temirovdan yakunlovchi sifatida foydalangandi. Lekin u ham qishda fors klubiga berib yuborildi. Aftidan Mirjahon Mirahmadov Voyneskining rejalaridan o'rin olmagan. Bilishim bo'yicha u Piter Xyuistraning istagiga ko'ra olib kelingan. Jamoa deyarli barcha o'yinlarda vaziyatlar yaratyapti. Keskinlik yuzaga keltirmoqda. Lekin golni sezadigan, kerakli vaziyatda paydo bo'ladigan hujumchi topilmayapti.
3. Yakkalanib qolayotgan Azamov
Anzur Ismoilov va Egor Krimec tark etgach himoyada o'zimizdan faqat SHerzod Azamov qoldi. Uning yoniga esa Avazbek O'lmasaliev taklif qilindi. Lekin nimadir bo'ldiyu yangi murabbiy kelgach taktik va pozicion jihatdan yaxshi o'ynaydigan O'lmasalievga javob berib yuborildi. Larin va Xajiev mudoaadagi bo'shliqlarni to'ldirish uchun olib kelingandi, lekin maydonda himoyada Azamovning o'zi yakkalanib qolayotgani yaqqol ko'rinmoqda. O'tgan mavsum sekin-asta imkoniyat beri kelinayotgan SHahzod Azmiddinov bu yil yana zaxirada qolmoqda.
4. Kechaning gapi bugunga to'g'ri kelmaganda
Klub sport direktori Jafar Irismetov mavsum yakunida bergan intervyusida tarkib yosharishiga, maqsadlar esa o'zgarmasligiga ishora qilgandi. Bundan buyon faqat yoshlarga va tarbiyalanuvchilariga etibor berishi kutilayotgan "Paxtakor" faqatgina allaqachon legionerga aylanishi kerak bo'lgan Xojimat Erkinovdan foydalanmoqda. Diyor Xolmatov, Abbos Fayzullaev imkoniyat kutish bilan musobaqani o'tkazishdi. Xo'sh, "Paxtakor" chindan ham siyosatini o'zgartirib yoshlar bilan ishlamoqchimi? Ko'rmayapmiz. Alijonov va Erkinov allaqachon ketishi kerak. O'sishi uchun ham bu zarur.
Bir dengizchidan ahvol qalay, deb so'rashgan ekan. SHunda dengizchi yomon emas, faqat cho'kyapmiz, degan ekan. Xo'sh, bunga suv aybdormi yoki suzishni bilmagan odamni o'zimi? Botqoqqa cho'kish uchun esa suzishni bilish shart emas.
Abdulaziz Iskandarov
Bosh sahifaga
219
