O'yin haqida
- Har bir bahs oson o'tayotgani yo'q. CHempionatda kurashlarga boy o'yinlar ko'p bo'lmoqda. O'z imkoniyatlardan foydalana olgan omadli jamoa g'alabaga erishmoqda. Bugun ham shu kabi o'yin bo'ldi, oson o'tgani yo'q. Mavsum startini yaxshi boshlay olmadik, hozirda bizga ochkolar juda zarur. Har bir o'yinda g'alaba uchun maydonga chiqishimiz, muxlislarimiz oldida yuzimiz yorug' bo'lishi uchun harakat qilishimiz zarur.
Bugungi o'yin teng kurashlar ostida boshlandi. Birinchi golni urganimizdan so'ng bir oz engillik biz tomonga o'tdi. Rahmatullaevning qizil kartochkasi bizga o'yinni nazorat qilishimizga xizmat qildi. Lekin "Qo'qon-1912" oxirigacha kurash olib boradigan yaxshi jamoa ekanini bilardik. Ular 10 kishi bo'lib qolganliklariga qaramay bizga qiyinchilik tug'dira olishdi. Eng muhimi 3 ochkoni qo'lga kiritdik. Endilikda navbatdagi tur uchrashuvlariga tayyorgarlikka kirishamiz. Oldinda bizni "Paxtakor"ga qarshi o'yin kutib turibdi. May oyida zich taqvim, iloji boricha ko'proq ochko jamg'arishimiz zarur. SHu o'rinda bizni qo'llab-quvvatlagan muxlislarimizga minnatdorchilik bildiraman" - deydi olmaliqliklar bosh murabbiyi.
Bosh sahifaga
177