Lekin Olmaliqning AGMK jamoasi joriy yilda boshqa klublardan farqli ravishda eronlik legioner Siyavash Haqnazariyni qo'shib oldi. Ilk turlardanoq o'zidan yaxshi taassurot qoldirayotgan yarim himoyachi Superliganing 5-turiga kelib gollari hisobini ochishga erishdi. "Qo'qon-1912"ga qarshi kechgan bellashuvda u jamoasining uchinchi goliga mualliflik qildi. Mazkur bahsdan so'ng Siyavash Haqnazariyni suhbatga chorladik.
- Siyavash keling suhbatimizni uyda "Qo'qon-1912" bilan kechgan o'yin haqidagi taassurotlaringiz, fikrlaringiz bilan boshlsak. Uchrashuvda zaxiradan maydonga qo'shildingiz, o'yinning asosiy qismini zaxirada tomosha qilgansiz. Demak to'liqroq xulosa bildira olasiz?
- Yirik hisobda g'alaba qozonganimiz o'yin oson bo'ldi, degani emas. Muhimi 3 ochkoga ega chiqdik. Futbolda natija muhim. CHunki ertaga sizdan qoladigan narsa aynan natija hisoblanadi. Hech kim qanday o'yin ko'rsatganimizni emas, g'alabani eslaydi. Bor gap shu. O'ylaymanki, shu kuni muxlislar zerikib qolishgani yo'q.
- Bu AGMKning joriy yilda ko'rsatgan eng yaxshi o'yini edimi?
- Jamoamiz katta salohiyatga ega ekanligini hisobga olsak yanada yaxshiroq o'ynashimizga ishonaman. Har bir bahsda o'tgan o'yindagidan yomon harakat qilmasligimiz kerak. Raqib bir kishi kam bo'lib qolganiga qaramay biz o'z o'yinimizni ko'rsatishda davom etdik.
- Superligadagi aksariyat legionerlarning muvaffaqiyatsiz o'yinidan jamoaga hali moslashib ketmaganini sezish mumkin. Menimcha sizda bu borada muammo bo'layotgani yo'q? Maydondagi harakatlaringizdan jamoaning o'yin uslubiga tezda kirishib ketganingizni ko'rmoqdamiz...
- Men uchun Superliga ham, mamlakat ham yangi hisoblanardi. SHu bois moslashib olish uchun malum vaqt ketdi. Lekin bir narsani alohida takidlashim kerakki, AGMKda do'stona muhit shakllangan. Jamoaga tezda kirishib ketganimni ajoyib muhit bilan bog'lagan bo'lardim. CHunki barcha bir-biri bilan ahil.
- Jamoada kim bilan ko'proq muloqotda bo'lasiz? Yaqin do'stingiz bormi?
- AGMK bu - katta jamoa. Unda hamma bir-biri bilan iliq munosabatda.
- Faoliyatingizda ilk bor Mirjalol Qosimov bilan ishlamoqdasiz. Ushbu mutaxassisga qanday tarif berasiz?
- Mirjalol Qosimov o'zbek futbolining yulduzi va afsonasi. Undan har kuni yangi saboq olyapman, muhim narsalarni o'rganmoqdaman. Murabbiy futbolchilar bilan o'zaro yaxshi til topisha oladi.
- Eron jamoalarining OCHLdagi ishtirokini kuzatib bordingizmi?
- Ha. Natijalardan xabarim bor. Garchi o'yinni to'liq ko'rolmagan bo'lsamda, kerakli vaziyatlarni tomosha qildim. "Sepaxon" va "Fulad" Eronning kuchli jamoalari hisoblanadi. Hech bir o'yin oson o'tmadi.
- Milliy taomlarimizdan tatib ko'rganingiz tabiiy...
- Palovni mazasiga bo'lishi mumkin emas. Menga juda yoqdi. Lekin futbolchilar doim tartibga amal qilishi kerak. O'zbek xalqi esa mehribon va mehmondo'st. Olmaliqda esa futbolni yaxshi ko'rishadi.
- Ajoyib suhbat uchun tashakkur!
Bosh sahifaga
124
