Jamoa azolari dastlabki kungi mashg'ulotlarni "Yosh kuch" stadionida o'tkazdi. Mashg'ulotlar yakunida "lochinlar"ning tajribali futbolchisi Davron Hoshimov klub matbuot xizmatiga fikrlarini bildirib o'tdi.
"Avvalambor yangi kirib kelgan 2021 yil bilan tabriklayman. Barcha uchun omadli kelishini tilab qolaman. Jamoaning yangi murabbiylari men uchun begona emas. Bu ikki murabbiy bilan "Paxtakor" jamoasida birga faoliyat olib borganman. Ular ahil jamoa shakllantirishni uddasidan chiqishadi deb o'ylayman. Boisi No'mon akani o'zlari ham futbolchi bo'lganlar, shogirdlarini yaxshi tushunadilar. Ko'rsatmalarini va topshiriqlarini bajarib ishonchni oqlashga harakat qilamiz. Tarkibimiz yana kuchayadi, Serbiyadan futbolchilar kelib qo'shilishi mumkin. Superligada kuchli uchlikka kirish vazifamiz hisoblanadi. Rahbariyat tomonidan yaratib berilgan sharoitlar uchun minnatdorchilik bildiramiz. O'tgan mavsum barchamiz uchun og'ir keldi, o'zimiz ham mag'lubiyatga uchrashni istamagandik. Bu yil barcha musobaqalarga qattiq kirishgan holda ishonchlarni oqlaymiz",- deydi Davron Hoshimov.
Bosh sahifaga
116
