- O'yin haqida
- Birinchi navbatda, jamoamiz futbolchilari, rahbariyat va muxlislarni g'alaba bilan muborakbod etaman. Qo'lga kiritilgan 3 ochkoni klubimiz muxlislariga bag'ishlaymiz. "Neftchi" juda kuchli jamoa ekanligini etirof etishimiz lozim. Omad bizga klub boqdi. Raqib talaygina imkoniyatlarga ega bo'ldi, ammo undan foydalana olmadi. Jiddiy kurash olib bordik va g'alaba qozondik.
- "Lokomotiv" 2 o'yindan buyon gol o'tkazmagan holda g'alaba qozonmoqda. Bu jamoani chempionlikka olib borishga qadar ruhlantira oladimi?
- Savolingiz uchun rahmat. Biz maksimal darajada natija ko'rsatib, yuqori o'rinlardan birida bo'lishni xohlaymiz. CHempionatda kuchli klublar ko'p. Ushbu mavsumda nisbatan yosh tarkibga egamiz. Himoya chizig'imizda ham tub burilishlar kuzatildi. Oxirgi 2 o'yinda gol o'tkazmaganimiz odamni quvontirmoqda. Umid qilamanki, buni chempionat oxirigacha saqlab qola olamiz. Qancha kam gol o'tkazsak, shuncha yuqori o'rinda bo'lishimizni yaxshi tushunamiz. Maqsadimiz – imkon qadar yuqori o'rinni egallash.
- "Lokomotiv" 3 ta mehmon o'yinda yutqazgandi, bugun g'alaba qozondi. Futbolchilarni ruhan yaxshi tayyorlaganmidingiz?
- Biz oldimizga uy o'yinlarida ochko yo'qotmaslik vazifasini qo'yganmiz. Bunga astoydil harakat qilamiz. Mehmonda esa albatta, har qanday jamoaga og'ir bo'ladi. Bugun "Neftchi" Farg'onada o'ynamayotgani ham ularga tasir ko'rsatgandir. Buni yigitlarimizga tushuntirib, g'alabaga erishish uchun yaxshi imkoniyat borligini uqtirgandik.
- G'ulomhaydar G'ulomovga etiroz bildirdingiz. U yaxshi o'ynayotgan edi-ku...
- U jarohat orttirib olgandi. Sekin-asta tiklanib bormoqda. "Dinamo" bilan bahsni o'tkazib yuborgandi. O'tgan o'yinda ozgina vaqt ajratdik.
Bugun Maxaradze diskvalifikaciya tufayli maydonga tusha olmadi, shu bois G'ulomov maydonga tushirildi. Biroq jismoniy jihatdan tayyor bo'lmagani uchun uni to'liq o'ynata olmadik.
Bosh sahifaga
85
