O'yin haqida
- Bugun juda qiyin o'yin o'tkazdik. Avval ham aytgandim, Pro-ligada o'tkinchi o'yinlar bo'lmaydi. "Yangier" o'tgan turda, yangi murabbiy Diyor Mirzaboev qo'l ostida g'alabaga erishgandi. Bugun ularga qarshi o'ynash qiyin bo'lishini bilardik. Mezbonlar o'yinni ko'tarinki ruhda boshlashdi. "Yangier"ga Diyor Mirzaboev qo'l ostida keyingi o'yinlarda omad tilayman.
Jamoamiz azolarini va muxlislarimizni qiyin g'alaba bilan tabriklayman.
- O'yinning boshidagi jarohat va Ablug'ani Kamolovni majburan almashtirilishi sizning rejalaringizga qay darajada tasir qildi?
- Hozir bu haqida gapirsam, bahonaga o'xshab qolishi mumkin. Jamoamizda 4 nafar yarim himoyachilarda jarohat bor. Kim Boyong, Doniyor Ismoilov, Sardor Abdunabiev, Abdulazizxon Abdurashidovlar hozirda jarohatlarini davolashmoqda. Bugun biz vaziyatdan kelib chiqib qanotlarda himoyachilarni maydonga tushirdik. Mirzohid Mirzamahmudov va Abdug'ani Kamolovlar aslida himoya chizig'ida harakat qilishar edi. Zaxira o'rindig'imiz ham u qadar keng emas, bu vaziyat biz uchun kutilmaganda sodir bo'ldi va qiyinchilikka duch keldik. Abdug'ani Kamolovning jarohati hozirda bizda 5 nafar futbolchi safdan chiqqanini anglatadi.
- "Yangier" jamoasining ikkinchi bo'limdagi o'yini haqida fikringiz qanday?
- Bu jamoaning o'z murabbiylari bor. Men "Yangier"ga navbatdagi tur o'yinlarida omad yor bo'lishini tilayman. Bu jamoada meni qo'l ostimda o'ynagan futbolchilar ham bor. Ularga chin ko'ngildan omad tilayman.
- Xumoyun Murtozev bugun gol ura olmaganiga fikringizni bildirsangiz...
- Hohlaymizmi, yo'qmi to'purar futbolchiga etibor yuqori bo'ladi. U qo'lidan kelganicha harakat qildi, men uning o'yinidan qoniqish hosil qildim.
Bosh sahifaga
153
