O'yin haqida
- Oldindan yigitlarga tushuntirgandim, bu o'yinda ko'p gol urilmasligi aniq edi. Ularga jarima maydonimiz ichida va atrofida imkon qadar qo'pollik ishlatmaslik haqida tushuntirgandim. Ko'rdinglar, bittagina jarima zarbasidan gol o'tkazib yubordik.
O'yinni ko'rib chiqamiz, bizda golli vaziyatlar ko'proq bo'ldi. O'tgan gal aytgan fikrimni qaytaraman, men bu erga vaziyatni o'zgartirish uchun kelganman. Gol urishda oqsayapmiz. Ishlaymiz, vaziyatni o'nglashga harakat qilamiz.
- "Yangier" o'ziga yarasha shonli tarixiga ega bo'lgan jamoa. Siz bu erga oldingizga qanday maqsadlarni qo'ygan xolda keldingiz?
- Klub rahbariyati meni taklif etishgan. Jamoada tajribali futbolchilar borligi haqida avvaldan bilardim. Maqsadimiz - har bir o'yinda g'alaba, guruhlarga ajratilganida "Yangier"ni kuchli beshlikka olib kirish. Haliyam vaziyatni o'nglash mumkin, barchasi o'z qo'limizda. O'yin borasida yigitlarga hech qanday etirozim yo'q. Ko'p sonli muxlislarimizga rahmat.
- Avvalgi matbuot anjumanida hjumchilar kam gol urayotgani haqida aytgandingiz. Bu borada qanday ishlar amalga oshirilmoqda?
- Mashg'ulotlarda jiddiy ishlayapmiz. Har bir o'yinga ikki xil taktik uslub bilan chiqayapmiz. Vaziyatga qarab taktikalarimizni o'zgartirib borayapmiz. Timur Usmonov va Nodir Yo'ldoshevlar bo'ydor futbolchilar bo'lgani sababli bugun uzun uzatmalarga etibor qaratdik. Vaziyatlardan unumli foydalanganimizda g'alabaga erishishimiz ham mumkin edi. Afsus, bugun omadimiz kelmadi.
Bosh sahifaga
259