- O'yin haqida
- Juda yaxshi o'yin bo'ldi. Agar final o'yinida maydonga tushsak, raqib sifatida "Nasaf"ni tanlagan bo'lardim. Kecha o'yin oldidan yigitlarga shuni aytgandim. CHunki bu jamoa har doim futbol o'ynaydi.
Bugun ikki jamoa ham hujumkor harakat qildi. Bu Superliga o'sishiga xizmat qiladi. Hakamlik ham yaxshi bo'ldi.
O'yin haqida gapirsak, uni ikki qismga bo'lish mumkin. Birinchi qismda yaxshi harakat qildik, o'yin suratini va borishini nazorat qildik. Vaziyatlar yaratdik, ammo foydalana olmadik. Ikkinchi taym boshida, ayniqsa, dastlabki 20 daqiqasida katta qiyinchilikka duch keldik. Oxirgi daqiqalarda yana o'zimizga kelib oldik. Hujumlarga o'tdik, 1-2 ta vaziyat hosil qildik. Bu kabi derbilarda vaiyatlardan foydalanish kerak. Endi buni ustida astoydil ishlashimiz lozim.
Ikki jamoa ham 1 oy davomida Saudiya Arabistonida katta kuch yo'qotdi. Qolaversa, yo'l bosish, iqlim sharoiti... Jamoalarda charchoq alomatlari sezilib turibdi. Keyingi o'yinlar oldidan tiklanib olishimiz lozim.
- "Paxtakor" markaziy himoyachilari to'p kelishi bilan oldinga tepib yuborishyapti. Balki hujumlar o'xshamagani shundandir...
- "Nasaf" amalga oshirgan yuqori pressing himoyachilarni bunga majbur qilgan bo'lishi mumkin. CHunki har qanday holatda vaziyatdan kelib chiqib ish tutish lozim. O'sha vaziyatlardan chiqib ketish ham ularning darajasini belgilab beradi.
- Natijadan qoniqdingizmi?
- "Paxtakor" bosh murabbiyi sifatida durangdan hech qachon qoniqmayman. CHunki biz har doim yutish uchun maydonga tushadigan jamoamiz, buni O'zbekistonga ilk kelganimda ham aytganman. Lekin oxirgi paytda biz duch kelayotgan sharoitlar, yani har 3-4 kunda o'yin o'tkazayotganimizni inobatga olsak, bu taraflama bugungi 1 ochkodan qoniqdim.
- Arveladze boshqa jamoalardan yaxshi o'yinchilarni yig'ib olib, boshqa jamoalarni kuchsizlantirib qo'yardi. Sizning rejangiz qanday?
- Yaxshi savol. Lekin agar menga ham yaxshi byudjet ajratsangiz, o'ylab ko'rishim mumkin (kuladi).
- Mahalliy futbolchilar haqida fikringiz qanaqa?
- Klub rahbari bilan birinchi uchrashuvimizdayoq akademiya futbolchilariga etibor qaratish bo'yicha qaror qabul qilganmiz. Har 2 yilda 2 tadan futbolchini asosiy tarkibga qo'shib borishga harakat qilamiz. Nafaqat "Paxtakor", balki O'zbekiston bo'yicha yoshlarni etishtirishga urinamiz, bu rejamizdan o'rin olgan. Yaqinda Saudiya Arabistoniga borgan tarkibdagi 14 nafar bola "Paxtakor" tarbiyalanuvchilari edi.
- SHerzod Azamov 3 ta o'yinga diskvalifikaciya qilindi. Bahslashsa bo'ladigan vaziyat. Bu borada nima deysiz? Keyingi savol: Dragan CHeran kutilganidan ham tezroq safga qaytishi mumkinmi?
- Ular top-darajadagi o'yinchilar. SHerzod Azamov va Dragan CHeranning o'rni doim bilinadi. Azamov hakamga nima deganini bilmayman. Avval sariq kartochka berdi, keyin birdan chetlatdi. Men bu holatni boshqa vaziyat bilan qiyoslayman. "Navbahor" bilan o'yinimizdan keyin jarohatlangan futbolchimizni ko'tarib ketayotgan muxlisimizga hujum qildi va bu jarihatlangan futbolchimiz uchun ham xavfli edi. Qolaversa, yordamchi murabbiylarimizdan biriga ham hujum qilgan.
O'zingiz solishtirishingiz mumkin, Bir holatda futbolchi tepyapti, katta janjal uyushtiryapti. Ikkinchisida futbolchi hakam bilan gaplashgani uchun 3 ta o'yinga chetlatilyapti, darvozabon faqat jarima to'layapti. Balki men ham keyingi safar Azamovga aytaman, u ham borib kimnidir tepadi, pulini to'laydi va diskvalifikaciya qilinmaydi. Bu xuddi pulini to'lab, xohlagan insonni urishga o'xshab qoldi. Bu mening fikrim emas, Tartib-intizom qo'mitasi chiqargan qaror bizni shunday o'ylashga majbur qilyapti.
CHeran mashg'ulotlarga kirishgan. O'ylashimcha, keyingi 1-2 kunda jamoaga qo'shiladi.
Bosh sahifaga
286