1. "Bunyodkor"ning Namangandagi g'alabasiz seriyasi 6 ta o'yinga etdi. Jamoa oxirgi marotaba 2016 yilning birinchi davrasida Namangandan uch ochko bilan qaytgandi.
2. Mirjalol Qosimov AGMK boshqaruvida ilk bor "So'g'diyona"ni mag'lub etishning uddasidan chiqa oldi. Avvalgi 6 ta o'yinning 3 tasida durang, 3 tasida jizzaxliklar g'alaba qozongan. Demak, ushbu nohush ananaga chek qo'yildi.
3. Doniyor Abdumannopov ketma-ket uch o'yinda gol urdi. Avvalgi 2 ta o'yinda "So'g'diyona" g'alabani tantana qilgan bo'lsa, AGMKga urgan goli muvaffaqiyatli natija uchun etarli bo'lmadi.
4. "Neftchi"ning Superligadagi g'alabasiz o'yinlari soni 5 taga etdi. Jamoa turnir jadvalining 14-pog'onasida ketmoqda.
5. "Paxtakor" va "Nasaf" chempionatda mag'lubiyatsiz odimlashda davom etadi. "So'g'diyona" esa joriy mavsumdagi birinchi mag'lubiyatini AGMKdan qabul qilib oldi.
6. "Surxon" 7-turda "Qo'qon-1912" ustidan g'alaba qozondi. Bu jamoaning Superligadagi ilk g'alabasi hisoblanadi. Anxel Lopes shogirdlari bunga qadar 2 ta durang, 3 ta mag'lubiyat qayd etishgan edi. SHuningdek, jamoaning zaxirasida "Nasaf"ga qarshi bitta o'yin ham bor.
7. Yovan Jokich "Navbahor" libosida debyut golini urdi.
8. Debyutantlar. Ushbu turda bir qator futbolchilar o'z jamoalarida Superligadagi birinchi o'yinlarida maydonga tushishdi: SHerzod Komilov ("Lokomotiv"), Abbos Ergashboev ("Paxtakor"), Akmal Kozimov ("Dinamo"), Diyor Jaloliddinov ("Qo'qon-1912"), Faxriddin Muhammadov ("Neftchi")
9. Ushbu turda darvozalarga 14 ta to'p kiritildi. Eng sermahsul o'yin AGMK – "So'g'diyona" (5 ta gol). Faqatgina "Nasaf" – "Paxtakor" uchrashuvi nursiz natija (0:0) bilan yakunlandi.
10. Superligada faqat "Lokomotiv" va "Qo'qon-1912" hamon durang o'ynagani yo'q.
Abdulaziz Iskandarov
Bosh sahifaga
133
