Osiyo o'yinlari qoldirildi. Demak, bu yil Liga kubogidan voz kechish kerak

Taqvim loyihasiga ko'ra, Liga kubogining birinchi bosqichi 23-30 iyul kunlari, ikkinchi bosqichi esa 2-17 sentyabr kunlari bo'lib o'tishi kerak edi.

Ammo 6 may kuni Osiyo Olimpiya kengashi ijroiya qo'mitasining Toshkentdagi yig'ilishida sentyabr oyida Xitoyning Xanchjou shahrida o'tishi kerak bo'lgan Osiyo o'yinlari keyingi yilga qoldirilgani elon qilindi.

"Sentyabr oyida Xitoyda bo'lib o'tadigan Osiyo o'yinlari qoldirildi. Umuman olganda bizning bunga ishonchimiz komil edi. Endi taqvim masalasida yana biroz bosh qotirish kerak bo'ladi", - deb yozadi Diyor Imomxo'jaev telegramdagi o'z kanalida.

Agar Liga kubogi musobaqasidan voz kechiladigan bo'lsa, bu muddatga Superliganing kamida uchta turini sig'dirsa bo'ladi. SHunday bo'lgan taqdirda Superligamiz noyabr oyi oxirida emas yarmida tugaydi.

Liga kubogi musobaqasidan faqat bu yil voz kechish kerak deb hisoblayman, keyingi yillarda esa puxta reja bilan, qo'shni davlat klublarining rejalarini oldindan bilgan holda, aniq taqvim bilan o'tkazilishi tarafdoriman. Faqat musobaqa haqida yil boshida elon berish kerak. SHunda klublarimiz boshlanayotgan yil uchun smetada Liga kubogi xarajatlarini ham kiritib qo'yishadi.