Quvonarlisi dastlabki 7ta turdan keyin Superligamizda bironta murabbiy istefoga chiqarilgani yo'q. Murabbiylar qo'nimsizligi hech qachon hech qaysi jamoaga yordam bermagan.
Albatta, rahbariyat natija ijobiy bo'lavermagach oxiri bosh murabbiyni ishdan bo'shatishga majbur bo'ladi. Ammo ikki murabbiy borki ular jamoasi ijobiy natija qayd etmasa ham o'z lavozimida qolishi kerak, kamida yil oxirigacha.
Bular Denis Korostichenko va SHuhrat Maqsudov. Nega deysizmi? Sababi rahbariyat bu ikki murabbiy oldiga yoshlarni o'ynatish vazifasini qo'ygan. Ikkala klubda ham moliyaviy holat oldingi vaqtlardagi kabi TOP emas. Ayniqsa "Lokomotiv"da. To'g'ri ikkala jamoada ham tajribali futbolchilar juda ko'pchilikni tashkil etadi va yoshlar sanoqli maydonga tushmoqda. Masalan "Bunyodkor"ning moliyaviy holati zo'r bo'lganida qishda boshqa klubga ketgan futbolchilarni o'z safida saqlab qolgan bo'lardi. "Lokomotiv"da ham shunday vaziyat. Ikkala jamoa rahbariyati bu yil yoshlar va boshqa klubda o'z o'rnini yo'qotib qo'ygan futbolchilar bilan o'ynashga rozi bo'ldimi demak bosh murabbiyga 7ta yoki 10ta tur emas ko'proq imkon berishi shart.
Quyi pog'onalarda borayotgan boshqa jamoalarimizda vaziyat o'zgacha. U erdagi murabbiylar o'zlariga kerakli bo'lgan futbolchilarni deyarli barchasini qo'lga kiritishdi, tarkib yuqoridagi ikki klubdan farqli ravishda kuchaytirildi va rahbariyat ulardan natija kutishga haqli.
SHunday ekan "Bunyodkor" va "Lokomotiv" rahbariyatiga sarlavhadagi gapni takrorlaymiz: Korostichenko va Maqsudovga tegmang! Bu mening o'ta shaxsiy fikrim.
Bosh sahifaga
99
