O'yin haqida
- Uchrashuv qiyin ruhda o'tishini bilardik, lekin yaxshi tayyorgarlik ko'rdik. Ikkala jamoa ham o'z vazifasini bajarmoqda. Bu o'yinlar orqali shogirdlarim o'sishga erishishi lozim. Ko'rganingizday, o'yin kurashlarga boy ruhda o'tdi. Ikkala jamoa ham birinchi golni kiritish uchun harakat qildi, ammo omad etishmadi. Durang o'yinga mos bo'ldi.
- Mehmonda o'ynayotganingizga qaramay, asosiy tarkibda uch nafar hujumchi bilan boshladingiz? Bu tavakkal emasmi?
- Biz har doim shunday o'ynaymiz. O'yin davomida futbolchilarning joylashuvi o'zgarib boraveradi.
- "Neftchi" bilan o'zaro o'yinlarda tajribaga egasiz. Oldingi o'yinlarga qaraganda, bugun "Olimpik" cho'chib o'ynadi. Bu nima bilan bog'liq?
- Bu fikrga qo'shilmayman. O'yin davomida darvoza oldidan pas orqali hujum boshladik. Futbolchilar dovdiramadi. Raqib ham yaxshi o'ynadi. Bazi vaziyatlarda kuch va tajriba etishmagandir, biroq har bir o'yin shogirdlarimda o'ziga bo'lgan ishonchini oshirishda foydali bo'lmoqda. O'yindan o'yinga kuchayib boryapmiz. Maqsadimiz ham shu. Superligadagi har bir klub kuchli, chempionatda oson o'yin bo'lgani yo'q.
- Vladimir Nazarov bugun qaydnomaga ham kiritilmadi. Unda jarohat bormi?
- Yo'q, shunchaki boshqa darvozabonga imkoniyat berishga qaror qildik. Abdunabiev bugun yaxshi o'yin namoyish etdi. Boshqa posbonlarga ham imkon beramiz. Nazarovga biroz dam berishga qaror qildik.
- Xitoydagi yozgi Osiyo o'yinlari qoldirildi. Bu jamoa foydasiga ishlaydimi yo zarariga?
- Xalqaro o'yinlarning masuliyati kuchli. Turnir qoldirgani yaxshi emas, biroq keyingi yil o'tkazilsa, ishtirok etishga tayyormiz.
- Begimov keraksiz joyda qizil kartochka oldi, u o'zini to'xta olmadimi?
- Bahsli vaziyat, Begimov to'p uchun harakat qilayotgandi. Bekorga o'yinni to'xtatishmadi. Yo'qotishdan afsusdamiz, lekin uning o'rnini bosadigan futbolchilarimiz bor.
Bosh sahifaga
77
