O'yin haqida
- SHiddatli o'yin bo'ldi. Har ikki jamoa g'alaba uchun o'ynadi. Vaziyatlar ko'p bo'lgan bo'lsa ham, yakun durang natija bilan tugadi.
- Ispaniyalik murabbiylar raqibni sinchiklab o'rganib chiqadimi? Bugun "Metallurg" 10 kishi bo'lib qolgan bo'lsa ham mezbonlarga bo'sh xudud qoldirmadi. Raqibni qay darajada o'rgandingiz va kimdan xavf kutgandingiz?
- Har qanday murabbiy raqibni o'rganadi. Biz ham “Bunyodkor"ning o'yin uslubini o'rganib chiqdik. Hujumkor jamoa, biz o'yin uslubimizni shunga moslab tashkil qildik.
- Jamoada haqiqiy ispancha futbolni qachon ko'rishimiz mumkin? Bu jarayon qiyin kechayotgandek taasurot uyg'otmoqda...
- O'tgan turda "Qizilqum" bilan o'ynadik, shu bahsni ko'rib chiqishingizni tavsiya qilaman. Bugun maydonda 10 kishi bo'lib qoldik, shunga qaramay vaziyatlar yarata oldik. Futbolda faqat chiroyli o'ynab natijaga erishib bo'lmaydi. Vaziyatlardan foydalanishni ham bilish kerak. Birinchi bo'limda hisob 0:0 edi, ikkinchi bo'lim boshidayoq bir futbolchimiz chetlatildi. Bir vaziyatda penalti bo'lgandek ko'rindi, ammo bu xolat ko'rib chiqilmadi. Bugun g'alaba uchun ishtiyoq bilan o'ynadik.
- Hakamlik haqida fikringiz qanday? Bir vaziyatda ularga jiddiy etiroz bildirdingiz?
- Umuman olganda yaxshi hakamlik bo'ldi. O'yin shiddatli kechgani sabab har bir vaziyatga etibor qaratishlarini istadim. Bir vaziyatni inobatga olmasa qolgan barcha xolatda hakamlar o'z ishlarini yaxshi bajarishdi. Har bir harakatlarim hakamlarga nisbatan hurmat yuzasidan amalga oshirildi. O'yin yakunida ularga qo'l berib minnatdorchilik bildirdim.
- "Metallurg"ga davralar oralig'ida ispaniyalik futbolchini olib kelib jamoa o'yinini kuchaytirish rejada bormi?
- Klub siyosati sabab biz legioner futbolchi jalb etmaymiz. Mahalliy futbolchilarni jalb etishimiz, yoshlarni tarbiyalashimiz kerak. Jarohatlar sabab o'yinimiz ozgina pasaydi. Masalan tajribali futbolchi Fozil Musaev jarohat tufayli safdan chiqdi. Ular safimizga tez orada qaytishadi va o'yinimiz yaxshi tomonga o'zgaradi deb o'ylayman.
Bosh sahifaga
725