O'z vaqtida Osiyoning "Eng yaxshi murabbiyi" nomiga sazovar bo'lgan mutaxassis yoshlar bilan ishlash xadisini olganlar qatorida gavdalanadi.
Bugun Rauf Talgatovich, Andijonga tashrif buyurdi. Bundan ko'zlangan maqsad, O'zbekiston Birinchi ligasida karvonboshchilik qilayotgan "Andijon-SGS" futbolchilari bilan uchrashib, ular bilan suhbatlashish, qolaversa, viloyatdagi iqtidorli o'smir yoshlarni kuzatish edi.
Rejaga ko'ra, O'zbekiston o'smirlar terma jamoasi ustozi azolari bilan uchrashib, ular bilan yuzma-yuz suhbatlashdi. Futbolchilarga o'zining boy tajribasidan kelib chiqib, maslahatlarini berib o'tdi.
SHuningdek jamoa ustozi SHoxruh Ishanov bilan o'zaro suhbat chog'ida, Rauf Talgatovich, "Andijon-SGS"ning Birinchi ligada debyutant jamoa bo'lishiga qaramay, turnir jadvalida peshqadamlik qilib kelishi xursand etmasdan qo'ymayotganini yashirib o'tirmadi. Kelgusida ham tezlikni pasaytirmasdan, yoshlarga ko'proq ishonch bildirish kerakligini, bu orqali ularni terma jamoalarga tayyorlab borish muhimligini alohida takidlab o'tdi.
Jamoa bilan uchrashuv chog'ida Inileev "Andijon-SGS"ning o'ng qanot himoyachisi Abubakir Rejabboevni ham alohida so'rab o'tdi va ertaga uning xonadoniga tashrif buyurib, xolidan xabar olishini kun tartibiga kiritib qo'ydi.
Albatta, Rauf Inileevning jamoaga qaratayotgan bunday etibori, klubning barcha azolarini xursand qilmasdan qolmadi. Ayniqsa endigina katta futbolga kirib kelayotgan yosh futbolchilarga xaqiqiy motivaciya bo'ldi.
Bosh sahifaga
103
