SHu kunlarda futbol jamoatchiligi Yuriy Sarkisyan davridagi ajoyib onlarni ko'p va xo'p yodga olishayotgan bo'lishsa ajab .emas. O'z vaqtida xalqaro maydonlarda ishtirok etgan mazkur jamoaning ayni paytda so'nggi o'rinlarda yurishi achinarli albatta. Bir o'yin tarixi rukni orqali 2009 yil OFK kubogi 1/4 final doirasida Gongkongning "Saut CHayna" jamoasiga qarshi kechgan uchrashuvga to'xtalishni lozim, deb topdik. Umumiy hisobda 9ta gol urilgan bahs yakunida Farg'ona shahri klubi 5:4 hisobidagi g'alabani tantana qilgandi. Anvar Berdiev shu kuni poker qayd etgan bo'lsa, yana bir golga jamoa sardori Mansurjon Saidov mualliflik qilgan.
"A" guruhida "Busaytin" (Bahrayn), "Al Ahad" (Livan) va "Al Tilol" (Yaman) klublari bilan kurash olib boradi. Farg'onaliklar 6ta o'yindan 11 ochko to'plab "Busaytin" (12 ochko) bilan birga keyingi bosqichga chiqishadi. Nimchorak final bahslari o'sha paytda bitta o'yindan iborat bo'lardi. "Neftchi" guruhda ikkinchi bo'lgani uchun "E" guruhida birinchi o'rinni olgan Suriyaning "Al Majid" klubi mehmoni bo'lgan. 26 may oqshomida bo'lib o'tgan bahsning asosiy hamda qo'shimcha taymlarida jamoalar gol ura olishmaydi. G'olib penaltilar seriyasida aniqlanishi kerak.
Futbol lotoreyasida "Neftchi" posboni Yuriy Coy raqibning ikki zarbasini qaytarishga muvaffaq bo'lib qahramonga aylangan. Farg'onaliklar penaltilar seriyasida 3:1 hisobida zafar quchib chorak finalga chiqishgandi. "Saut CHayna" ilk o'yinda taslim qilinganiga qaramasdan javob bahsida safarda 0:1 hisobida mag'lub bo'ladi. Safarda urilgan gol qoidasiga ko'ra gonkongliklar keyingi bosqich yo'llanmasini qo'lga kiritadi.
OFK kubogi-2009. 1/4 final
"Neftchi" - "Saut CHayna" 5:4
Gollar: Mansurjon Saidov 5, Ambassa Gerard 32, Anvar Berdiev 33, Ramon 36, Kvok Kin Rong 40, Anvar Berdiev 44, Anvar Berdiev 80, Leandro Karrio 85, Anvar Berdiev (pen) 90
"Neftchi": 16. Yuriy Coy, 4. Maksim Usmonov, 7. Mansurjon Saidov, 10. Anvar Berdiev, 11. Aziz Alijonov, 19. SHerzod Hakimov, 22. Iqboljon Akramov, 24. Asqarjon Muhiddinov, 25. Azizjon Ibragimov, 26. Alisher Holiqov, 29. Vladimir Radkevich
Bosh murabbiy: Yuriy Sarkisyan
UCHRASHUV VIDEOSINI QUYIDAGI HAVOLADA HAM KO'RISHINGIZ MUMKIN>>>>>>> RETRO FUTBOL
Bosh sahifaga
817