- O'yin haqida
- Barcha "Lokomotiv" muxlislarini va jamoamiz vakillarini g'alaba bilan tabriklayman. Yaxshi o'ynadik. "Olimpik"ni yaxshi bilgan holda ularga qarshi o'ynash oson emasligini ayta olaman. Biz Timur Kapadze qo'l ostidagi jamoaga qarshi o'ynash qiyinligini inobatga olib, taktik uslubimizni o'zgartirdik. Qarshi hujumda o'ynashga qaror qildik. Agar biz pressing bilan o'ynasak, katta qiyinchilikka uchrashimizni bilardik. CHunki ular himoyadan hujumga juda tez o'tishadi.
- Timur Kapadze bilan "Lokomotiv" yoshlar jamoasida birga ishlagansiz. Siz qaysidir manoda ustozingizni mag'lub etdingiz. Qanday hissiyotlarni boshdan kechiryapsiz?
- Ha, Timur Toxirovich bilan birga ishlaganmiz. Oldin ham aytganimdek, u kishi tufayli "Lokomotiv"daman. Kapadzedan ko'p narsa o'rganganman. U hamisha og'ir damlarda meni qo'llab-quvvatlagan, buni hech qachon unutmayman va rahmat aytaman. Undan hamisha nimalarnidir o'rganib boraman.
- Alisher Salimov va G'ulom Haydar G'ulomovning holati haqida nima deya olasiz?
- Alisher Salimov mashg'ulotlarga kirishgan, biroq hali umumiy guruhga qo'shilmagan. Balki 1 haftadan keyin asosiy tarkibga qo'shiladi. G'ulom Haydar G'ulomovning jarohati xususida batafsil bugun bilib olamiz. Uni o'tgan yilgi jarohati bezovta qilyapti.
- Sanjar Qodirqulovni o'ng qanot himoyasida o'ynatish fikri kimdan chiqdi?
- O'tgan yili 1-2 o'yinda shu poziciyada o'ynagan. SHunaqa bo'lib qoldi. Jumaboevda kichik jarohat borligi uchun shu Qodirqulovni o'ng qanotda o'ynatish qaroriga keldik.
- "Lokomotiv" jismoniy tayyorgarlik bo'yicha murabbiyi Akmal SHorahmedov siz bilan baravar ko'rsatma berib bordi. Ayrim epizodlarda bir vaqtning o'zida turlicha ko'rsatmalar berdingiz. Bu nima bilan bog'liq? Murabbiylar fikri ikki xilmi?
- Yo'q, bizda ikki xil ko'rsatma bo'lmadi. SHunchaki zaxira o'rindig'idagi hamma murabbiylar yigitlarga yordam berishni xohlaymiz. SHu bois ayrim vaqtlarda shunaqa bo'lib qolishi ham mumkin.
- Asilbek Amonov ikki yildan beri hali maydonga tushgani yo'q. U qachon maydonga tushishi mumkin?
- Asilbek Amonov yaxshi, tajribali posbon. U o'ynamagan paytida ozroq formadan chiqib qolgan. Tajribali darvozabon tarkibimizda bo'lgani yaxshi. CHunki mashg'ulotlarda ham raqobat bo'ladi.
- Jamoa BMB Trade Group kompaniyasi bilan shartnoma imzolagach, siz rahbariyatdan transferlar bo'yicha qandaydir vadalar olmadingizmi?
- Yo'q, hozircha rahbariyat bilan bu masalada gaplashmadik. Nasib qilsa, balki qandaydir legionerlarni jalb qilish imkoniyatimiz bo'lar. 1-2 o'yinchi jalb qilsak, chakki bo'lmasdi.
- Kaxi Maxaradzening bugungi o'yiniga qanday baho berasiz?
- Men "Lokomotiv"ga kelgunimga qadar uning o'yinlarini kuzatib borganman. U legioner bo'lsa-da, o'zbek futboli afsonasi, sardor, etakchi. Kaxi hozir ham almashtirib bo'lmas o'yinchi desak bo'laveradi. U haqiqiy sardor qanday o'ynashi kerakligini ko'rsatib qo'ydi.
Bosh sahifaga
210