SHahboz Beg'amov: "Arablar ham vaqt cho'zib natija qilolmagan"

"O'zbek futbolidagi eng sharmandali holat bu vaqt cho'zish bo'yicha futbolchilarimiz "mutaxassis"ga aylanib qolishgani.

Biz vaqtida arab futbolidagi ushbu illat ustidan shu darajada kulganmizki, endilikda zamon aylanib, o'zbek futbolchilari vaqt cho'zish bo'yicha avvalgi arab futbolchilaridan ancha ilgarilab ketishdi. Aksincha, hozirda arab futbolida simulaciya ishlatib yotib olishlar yo'qolib, bizda ananaviy urfga aylandi.

Bitta haqiqat borki, buni unutmaylik. Arablar ham vaqt cho'zib natija qilolmagan. Biz ham vaqt cho'zib natija qilolmaymiz. Natijaga eltuvchi eng oson va to'g'ri yo'l — futbol o'ynash. SHuni yaxshiroq uzlashtirishimiz kerak!", - deb yozadi SHahboz Beg'amov telegramdagi o'z kanalida.