Timur Kapadze boshchiligidagi terma jamoamiz yurtimizda o'tadigan U-23 Osiyo chempionatiga tayyorgarlikning so'nggi bosqichini boshladi. "Jar" zaxira maydonidagi mashg'ulotdan oldin bosh murabbiy o'z fikrlarini bildirdi.
"Bugun U-23 Osiyo chempionatidan oldingi so'nggi tayyorgarlikni boshladik. Musobaqa boshlanishiga 10 kun vaqt qoldi. Muhim musobaqaga yaxshi tayyogralik ko'rishga harakat qilamiz. Hozircha kengaytirilgan ro'yxatdan o'rin olgan hamma futbolchi ham yig'inga kelgani yo'q. Sababi o'z klublarida o'yinlari bor. Yaqin 2-3 kunda ro'yxat to'liq bo'ladi.
28 mayga qadar shug'ullanamiz va keyin Osiyo chempionatida qatnashadigan yakuniy 23 futbolchi nomini aniqlaymiz.
Eng muhimi yigitlarda jarohat bo'lmasin. Yaxshi tayyorgarlik ko'riaylik va musobaqaga 100 foiz tayyor bo'laylik.
To'g'ri kengaytirilgan ro'yxatimizda Erkinov, Yo'ldoshev kabi milliy terma jamoa azolari ham bor. O'sha paytda MTJ Namanganda Osiyo Kubogi saralashida ishtirok etadi. Bu borada Katanec bilan gaplashamiz, agar bu yigitlarni bizga bersa yaxshi bo'lardi. CHunki milliy terma jamoada menimcha har bir chiziqda etarlicha futbolchilar bor. Bu masalada O'FA rahbariyati, MTJ murabbiylari bilan gaplashamiz va muammo bo'lmasa kerak", - dedi Timur Kapadze.
O'zbekiston U-23. Kapadze kimlarni chaqirdi va kimlarni chaqirmadi? Kimlar Osiyo chempionatida qatnashmaydi?
Bosh sahifaga
361