O'yin haqida
- Qiziqarli o'yin guvohiga aylandik. Qolaversa, muxlislar ikkala taymda ham zerikishgani yo'q. To'p uchun oxirigacha kurash kechdi. Olmaliqdan tashrif buyurgan muxlislarga o'z minnatdorchiligimni bildirib qolaman. Qolaversa, shogirdlarimga ham rahmat aytaman. Sababi, 1:0 hisobida orqada bora turib, o'zlarida kuch topa olishdi hamda raqib darvozasiga ikki bor yo'l topib, haqli ravishda g'alabaga munosibligini ko'rsatishdi. Futbol shunisi bilan qiziq. O'yin oxirida darvozamiz tomon penalti belgilandi. Agar VAR bo'lganida, biz o'yin davomida uch marotaba 11 metrlik jarima zarbasini amalga oshirishimiz kerak edi. Albatta, ilk navbatda jamoa oldinga qo'ygan maqsad sari intilishi hamda muxlislar uchun maydonga tushishi lozim.
- "Dinamo" so'nggi o'yinlarning oxirgi daqiqalarida o'yinni boy bermoqda. Jamoani qay darajada o'rgandingiz?
- Bu butun dunyo futbolida sodir bo'ladigan jarayon hisoblanadi. CHempionlar ligasi yoki kechagi APL doirasidagi "Manchester Siti" va "Liverpul" ishtirokidagi o'yinlarda ham shu holat ro'y berdi. Futbol bir taym o'ynalmaydi, 90 daqiqa davom etadi. Raqibni o'rganishda unday fikr bizda yo'q edi.
- "Dinamo" rahbariyati omadsiz o'yinlardan so'ng bosh murabbiyni o'zgartirdi. Yangi murabbiy qo'l ostidagi jamoaning o'yini sizda qanday taassurot qoldirdi?
- Samarqandliklar avvalgi o'yinlarda ham yomon harakat qilmagandi. Bekoboddagi o'yinda ham CHumak maydondan chetlatilmaganida, g'alaba qozonish imkoniyati bor edi. "Navbahor"ga qarshi bahsda ham yaxshi harakat qilganiga qaramay, standart vaziyatlarni o'tkazib yubordi. Yangi murabbiyga kelgusi faoliyatida omad tilab qolaman", - deydi olmaliqliklar bosh murabbiyi.
Bosh sahifaga
315