- "Paxtakor"ni g'alaba bilan tabriklayman. O'yin bobida "Paxtakor" bizdan ko'ra kuchli ko'rinmadi. CHeranning jarimadan urgan golini shunchaki mahorat deymiz. CHunki O'zbekistonda bunday ijrochilar juda kam. Ikkinchi bo'limda esa qo'pol xatodan keyin gol o'tkazib yubordik. Ularda ham bizda ham vaziyatlar bo'ldi. Biz hujumda etarlicha xavfli o'ynay olmadik. Nima derdim, yosh yigitlarga barqarorlik etishmayapti, hujumchi etishmayapti. Beqarormiz, bir o'yinda yaxshi o'ynayapmiz, keyingisida unchalik emas. Bugun yomon o'ynamadik. SHunchaki xato va ijro mahorati o'yin taqdirini hal qildi.
- "Lokomotiv"ning kelasi mavsum OCHLda o'ynashiga ishonasizmi?
- Ilk navbatda bizni qo'llab turgan muxlislarga rahmat aytaman. Ha, mag'lubiyatdan muxlislar xursand bo'lmaydi. O'yindan o'yinga ularning oz bo'lsa-da ko'payotganini ko'ryapman. Men ham muxlislarga to'la stadionlarni istayman. CHempionat yaxshi ketmoqda, hech kim katta farq bilan oldinga o'tib keta olmayapti. OCHLga esa hali imkoniyat bor, bunga harakat qilamiz.
- Diyor Turopovning bugun maydonda ko'rinish bermagani sababi nimada?
- U kasal bo'lib qolgan.
- "Lokomotiv" ikkinchi bo'limda yaxshi o'ynadi, biroq birinchisida emas. Buning sababi nimada?
- O'yinga bo'lgan rejamiz bor edi. CHeranning goli rejalarni o'zgartirib yubordi. Biz 35-daqiqalaridan keyin o'z futbolimizni ko'rsata boshladik. "Paxtakor"ni darvozamizdan uzoqlashtirib, kuchliroq futbol ko'rsatishni istadik. Bizda o'yinni tashkillashtirishda muammo yo'q. Faqatgina hujumni yakunlashda qiynalyapmiz.
- Hujumchilar esa so'nggi zarba berishni o'rniga pas bermoqda.
- Tarkibimizdagi futbolchilar yomon emas. SHunchaki "Paxtakor"ga qarshi o'ynash qiyin. Ular amaldagi chempion. Ularda top-darajali futbolchilar bor. Qachonki boshqa jamoaga qarshi o'ynasak, qarshilik ham boshqacha bo'ladi. "Paxtakor" yoki "Nasaf"ga qarshi o'ynasak, daraja o'zgaradi. Hali bizda hammasi oldinda.
- Markazda etakchi etishmayapti, tayanch himoyasiga yaxshi futbolchi kerak. Bir vaqtlar Lutfulla To'raev o'ynaganida tayanch himoyaning darajasini oshirgandi.
- Gapingizga qo'shilaman.
- O'tgan mavsumda Javoxir Sidiqov "Lokomotiv"da o'ynaganida o'zini ko'rsata olmadi. Bu mavsum u yana oldingidek "Qo'qon-1912" etakchisi. Bunga nima sabab deb o'ylaysiz?
- Bilmadim, to'g'risi. Bazi futbolchilarda shunday bo'ladi. Futbolchi o'z jamoasida yaxshi o'ynaydi, boshqa jamoada o'yini chiqmaydi. Bunga misollar juda ko'p.
Bosh sahifaga
315