TURNIR HAQIDA
Turnirda Osiyoning 23 yoshgacha bo'lgan ayni damdagi eng kuchli 16 ta jamoasi saralashdan bosqichidan o'tgan holda bellashishadi. Har bir guruhda to'rttadan terma jamoa o'rin oladi hamda dastlabki ikki o'rinni egallagan jamoa keyingi bosqichga yo'l oladi. Pley-off bosqichi olimpiya tizimida davom ettiriladi.
Musobaqa hozirgacha to'rt marotaba o'tkazilgan. Katta futbol sari dadil qadam qo'yish arafasida turgan futbolchilar o'rtasidagi 2013-yilgi dastlabki musobaqaga Ummon mamlakati mezbonlik qilgan (Qolganlaridan farqli o'laroq, turnir U-22 yosh toifasida tashkillashtirilshgan). Ushbu musobaqa U-20 yosh toifasida 2013 yilgi jahon chempionatinida to'rtinchi o'rinni egallagan Hakim SHokir boshchiligidagi Iroqning muvaffaqiyatli ishtiroki bilan yodda qolgan. Qita birinchiligida iroqliklar hal qiluvchi bahsda saudiyalik yoshlarni 1:0 hisobida mag'lub etishadi. 3-o'rin Iordaniyaga nasib etgan. O'zbekiston guruh bahslarida turnir finalchilari Iroq va Saudiyadan so'ng 3-o'rinni egallab, ishtirokini yakunlagan.
Oradan uch yil o'tgach, Qatar turnirga mezbonlik qiladi. Final bahsida Yaponiya Janubiy Koreyani 3:2 hisobida engadi. Bronza medallari uchun kechgan o'yinda esa Iroq mezbonlarni taslim etadi. O'zbekiston guruh bosqichida Koreya va Iroqdan keyingi 3-o'rinni egallab, ortga qaytishga majbur bo'lgan.
2018 yilgi CHin o'lkasidagi turnir yodimizdan ko'tarilmagan bo'lsa kerak. Futbolimiz uchun o'ziga xos sahifa yaratgan musobaqa finalida O'zbekiston yoshlari "qor jangi"da vetnamlik tengqurlarini qo'shimcha vaqtning so'nggi soniyalarida Sidorovning kiritgan goli evaziga mag'lubiyatga uchratgandi. Guruh bosqida vakillarimizni mag'lub etgan Qatar 3-o'rinni band etdi.
2020 yil boshida Tailand mezbonligidagi Olimpiadaga yo'llanma beruvchi musobaqada amaldagi chempionlar guruhdan chiqishni uddaladi. CHorak finalda BAAni 5:1 hisobida engdi, biroq yarim finalda Saudiya va 3-o'rin uchun kechgan bahsda Avstraliyaga 0:1 hisoblarida imkoniyatni boy berib, Tokio Olimpiadasidan quruq qoldi. Finalda esa biz bilan bir guruhdan joy olib, yuz foizlik natija qayd etgan Janubiy Koreya Saydiya ustidan 1:0 hisobida zafar quchgandi.
ISHTIROKCHILAR
17 fevral kuni Toshkentdagi "Bunyodkor" stadionida U-23 Osiyo chempionatiga qura tashlash marosimi bo'lib o'tdi. Marosimda 23 yoshgacha bo'lgan futbolchilardan iborat 16 ta terma jamoa 4 ta guruhga saralandi. Unga ko'ra, guruhlar quyidagicha ko'rinish oldi:
"A" guruhi: O'zbekiston, Eron, Qatar, Turkmaniston
"B" guruhi: Avstraliya, Iordaniya, Iroq, Kuvayt
"C" guruhi: Janubiy Koreya, Tailand, Vetnam, Malayziya
"D" guruhi: Saudiya Arabistoni, BAA, Yaponiya, Tojikiston
QAYSI STADIONLARDA O'YINLAR O'TKAZILADI?
16 terma jamoa qatnashadigan musobaqada jami 32ta o'yin o'tkaziladi. Uchrashuvlarga to'rtta stadion mezbonlik qiladi: "Bunyodkor", "Paxtakor", "Lokomotiv" hamda Qarshi "Markaziy" stadioni.
"Bunyodkor" va "Paxtakor" stadionlari 9tadan uchrashuvni qabul qilsa, "Lokomotiv" o'yingohida 8ta bellashuv bo'lib o'tadi. Qarshidagi "Markaziy" stadion esa 6ta o'yinga mezbonlik qiladi.
U-23 Osiyo chempionati. Qaysi stadionda qaysi o'yinlar bo'ladi?
O'ZBEKISTON TERMA JAMOASINING GURUH BOSQICHIDAGI TAQVIMI
O'zbekiston - Turkmaniston
1-iyun, 20:00. "Paxtakor" stadioni
Qatar - O'zbekiston
4-iyun, 20:00. "Paxtakor" stadioni
O'zbekiston - Eron
7 iyun, 22:00. Qarshidagi "Markaziy" stadion
QARSHI SHAHRIGA QANDAY BORISH MUMKIN?
Guvohi bo'lganingizdek, O'zbekiston U-23 terma jamoasi guruhdagi uchinchi o'yinini Eronga qarshi Qarshi shahridagi "Markaziy" stadionida o'tkazadi. Qashqadaryoga poytaxtdan taksi, poezd hamda samolyot orqali borish mumkin. Engil mashinalar orqali safarga chiqish narxi o'rtacha 80-100 ming so'mni tashkil etadi. Temiryo'l orqali yo'lga otlanmoqchi bo'lganlar uchun "SHarq" poezdi chiptalarining narxi 89 ming so'mdan boshlanadi, "Afrosiyob" tezyurar poezdi chiptalarining narxi esa 141 so'mdan boshlanadi. Havo yo'llari orqali sayohat qilmoqchi bo'lganlar uchun samolyot chiptalari narxi 154 ming so'mdan boshlanadi.
CHIPTALARNI QANDAY XARID QILISH MUMKIN?
1 iyun kuni bo'lib o'tadigan O'zbekiston hamda Turkmaniston jamoalari o'rtasidagi ochilish uchrashuviga kirish bepul etib belgilangan. Qolgan uchrashuvlarga chiptalarni iTicket.uz sayti orqali qo'lga kiritishingiz mumkin.
UCHRASHUVLARNI QAYSI TELEKANALLAR NAMOYISH ETADI?
Musobaqani "UzReportTV" hamda "FutbolTV" telekanallari orqali tomosha qilishingiz mumkin.
O'zbekiston ishtirok etayotgan "A" guruhi haqida malumot
O'zbekiston
Qanday etib keldi: Mezbon sifatida
Turnirdagi ishtiroki: 4 marta
Eng yaxshi natija: CHempion (2018)
Bosh murabbiy: Timur Kapadze
Saralash bosqichidagi ishtiroki: Saralash bosqichining "D" guruhida ishtirok etgan jamoa uch o'yinda 7 ochko to'pladi, to'plar nisbati - 13:3.
Qiziqarli fakt: O'zbekiston oxirgi to'rt uchrashuvda Janubiy Koreya bilan birgalikda eng ko'p gol urgan (7 tadan) jamoa hisoblanadi.
O'yinlar
O'zbekiston - Turkmaniston, 1 iyun;
Qatar - O'zbekiston, 4 iyun;
O'zbekiston - Eron, 7 iyun.
Tarkib
Darvozabonlar: Abduvohid Nematov (1), Vladimir Nazarov (12), Hamidullo Abdunabiev (21).
Himoyachilar: Saidazamat Mirsaidov (2), Dostonbek Tursunov (3), Abubakr Rizo Turdialiev (4), Muhammadqodir Hamraliev (5), Ibrohihalil Yo'ldoshev (6), Eldorbek Begimov (13), Odilbek Abdumajidov (15), Alibek Davronov (16), Abubakir Ashurov (18).
Yarim himoyachilar: Hojimat Erkinov (7), Ibrohim Ibragimov (8), Ulug'bek Hoshimov (9), Jasurbek Jaloliddinov (10), Abbosbek Fayzullaev (14), Diyor Holmatov (17), Abdurauf Bo'riev (23).
Hujumchilar: Otabek Jo'raqo'ziev (11), Ruslanbek Jiyanov (19), Husayn Norchaev (20), Alisher Odilov (22).
Eron
Qanday etib keldi: "B" guruhi g'olibi sifatida
Turnirdagi ishtiroki: 3 marta
Eng yaxshi natija: CHorak final (2016)
Bosh murabbiy: Mehdi Mahdavakia
Saralash bosqichidagi ishtiroki: Saralash bosqichining "B" guruhida ishtirok etgan jamoa uch o'yinda 9 ochko to'pladi, to'plar nisbati - 9:2
Qiziqarli fakt: 2013 yilgi turnirda hujumchi Kave Rizoiy 5 ta gol bilan to'purar bo'lgan
O'yinlar
Eron - Qatar, 1 iyun;
Turkmaniston - Eron, 4 iyun;
O'zbekiston - Eron, 7 iyun.
Tarkib
Darvozabonlar: Rizo Kahsaz (1), Payam Parsa (12), Parsa Jafari (22).
Himoyachilar: Mehdi Hoshimnezhad (2), Milad Kor (3), Saman Fallah (4), Amin Hazbavi (5), Muhammadmahdi Ahmadiy (13), Amir Jafariy Seghaloniy (14), Muhammad G'orboniy (16), Alirizo Xudoiy (18) ..
Yarim himoyachilar: Ali Pilaram (6), Muhammad Xudobandehlo (7), Muhammadhusayn Zavvari (8), Yosin Salmoniy (10), Muhammadhusayn Islomiy (15), Yodgor Rustamiy (17), Bilol Arazi (19), Erfan SHahriyorixaloji (21), Arya Yusufiy (23).
Hujumchilar: Amirali Sadegi (9), Ahmad SHariatzoda (11), Ali Kalmarzi Sobit (20).
Qatar
Qanday etib keldi: "A" guruhi g'olibi sifatida
Turnirdagi ishtiroki: 3 marta
Eng yaxshi natija: 3-o'rin (2018)
Bosh murabbiy: Nikolas Kordova
Saralash bosqichidagi ishtiroki: Saralash bosqichining "A" guruhida ishtirok etgan jamoa uch o'yinda 7 ochko to'pladi, to'plar nisbati - 9:1
Qiziqarli fakt: Qiziqarli fakt: Qatarlik Ahmad Alaa va Almoez Ali 2016 va 2018 yillarda oltitadan gol urib, musobaqaning eng yaxshi to'purarlari bo'lishgan.
O'yinlar
Eron - Qatar, 1 iyun;
Qatar - O'zbekiston, 4 iyun;
Qatar - Turkmaniston, 7 iyun.
Tarkib
Darvozabonlar: Mahmud Ibrohim Abunada (1), Marvan SHerif Badreldin (21), Saloh Zakariya (22).
Himoyachilar: Ali Malolah (2), Diyab Xarun Taha (3), Muhammad Emad Aiash (4), Yusuf Ayman Farog'at (5), Abdulla Iso Al-Sulayti (12), Muhammad Xolid (13), Jassem Gaber Abdulsalom (15), Ahmad Suhayl (19).
Yarim himoyachilar: Makka Tombari (6), Mustafo Tariq Mashal (8), Jassim Muhammad Al-Mehairi (11), Andri Syahputra (14), Faysal Muhammad (16), Xolid Valid Mansur (17), Ahmad Alganexi (20), Jassem Muhammad Alsharshani (23).
Hujumchilar: Abdulrashid Umaru (7), Yusuf Abdurisag (9), Hoshim Ali (10), Makka Muhsin (18).
Turkmaniston
Qanday etib keldi: Eng yaxshi ikkinchi o'rinlarning uchinchisi
Turnirda ilk bor ishtirok etmoqda
Bosh murabbiy: Ahmad Agamurodov
Saralash bosqichidagi ishtiroki: Saralash bosqichining "F" guruhida ishtirok etgan jamoa ikki o'yinda 3 ochko to'pladi, to'plar nisbati - 3:2
O'yinlar
O'zbekiston - Turkmaniston, 1 iyun;
Turkmaniston - Eron, 4 iyun;
Qatar - Eron, 7 iyun.
Tarkib
Darvozabonlar: Botir Gayliev (1), Rustem Ahalliev (16), Rasul CHariev (22).
Himoyachilar: Ixlas Toyjanov (2), Dayanch Meredov (17), Teymur CHariev (14).
Yarim himoyachilar: Velmirat Ballakov (23), Mirza Beknazarov (8), Arzuvguli Sapargulyev (19), Dayanch Meredov (17), Dovran Berdiev (15), Roman Galkin (6).
Hujumchilar: SHamammet Hadyrov (11), Begenchmirat Miradov (9), Rahman Miratberdiev (7), Meylis Diniev (10).
Bosh sahifaga
759