3:1 hisobidagi natija bilan yakunlangan uchrashuvuvda mezbonlarning gollaridan biriga Murodjon Toshmatov mualliflik qildi. Uchrashuvdan so'ng uning fikrlari bilan qiziqdik.
- "Neftchi" turnir jadvalida pastki o'rinlarda ketayotgandi. AGMK esa chempionlik uchun kurashmoqda. SHunday ekan o'yin borasida qanday taassurotlar yuzaga keldi?
- Kechagi raqibimiz "Neftchi" O'zbekistonning tarixiy jamoasi hisoblanadi. Bugunga kelib ular o'z mavqeini tiklashga harakat qilmoqda. Ushbu jamoaga qarshi o'yinlar doim qiyin bo'lib kelgan. SHuni bilgan holda tayyorlandik. Birinchi davra yakunlanishiga oz qoldi. Demak ko'proq ochko jamg'arishimiz kerak. Joriy yilda chempionlikka davogarlardan birimiz. Bo'shashishga haqqimiz yo'q. Qo'lga kiritilgan uch ochko chempionlik yo'lila katta yordam berishi tayin.
- Gol o'ylangan kombinaciyamidi yoki tavakkal qabul qilingan qaror?
- Burchak zarbasi avvaldan o'ylangan reja edi. Lekin qaytgan to'pga zarba berdim. Bu vaqtda juda tez qaror qabul qilishingiz darkor. Tavakkal zarba berdim. Xudoga shukur omadim kelib to'p darvozaga borib tushdi.
- Farg'onaliklarning ojiz nuqtasi darvoza chizig'idir. Mashhur Muhammadjonov bunday gollarni bir necha bor o'tkazganiga guvoh bo'lganmiz...
- Darvozabon ham gol o'tkazaman, deb maydonga tushmaydi. Muhimi harakatdan to'xtab qolmasin. Mashhurbek ajoyib posbon.
- Bu yil chempionlik Toshkentdan tashqariga chiqadimi? AGMKning bu boradagi imkoniyatlarini qanday baholaysiz?
- Bundan buyon ochko yo'qotmasak chempionlik kubogini Toshkent viloyatiga olib kelishga harakat qilamiz. Nasib qilsa birinchi o'rinni olmoqchimiz.
- Mavsum boshidagi omadsizliklar nima bilan bog'liq?
- Jamoamizga omad etishmadi. Dastlabki turlarda mag'lubiyatlarga uchradik. Boz ustiga tarkibimizda ham yo'qotishlar bor edi. Xudoga shukur u kunlar ortda qoldi.
 AGMK Murodjon Toshmatov - 12', Xurshid G’iyosov - 70' | Superliga. 11-tur 27/05/2022, 19:00 1 : 3 Tugadi |  Neftchi Muhsin Ubaydullaev - 29', Sirojiddin Qo'ziyev - 31' |
Bosh sahifaga
70
