Anri - Saloh haqida: "Gapirgandan keyin yutish kerak"

Uchrashuvdan oldin vinger 2017/18 yilgi mavsum finaldagi mag'lubiyat alamini olishga ishtiyoqi balandligini aytgandi.

"Biz bu haqda ko'p gapiramiz: gap o'yinda emas, to'rga borib tushgan to'pda. "Real" darvoza tomon bittagina aniq zarba yo'lladi va gol urdi. "Liverpul"ning zarbalari esa Kurtua bilan to'qnashaverdi.

Yarim finaldan keyin nima deganim yodingizdami? Odamlar uning xizmatlarini, o'yinlarini qadrlashmayapti. Hozir Tibo dunyoning eng yaxshi darvozaboni. U buni finaldagi o'yini orqali ko'rsatdi.

Har doim o'yindan oldin ko'p gapirmaslik kerakligini aytganman. Saloh o'yindan oldin ko'p gapirib yubordi. "Real"ni yut va istaganingcha gapir. Finaldan oldin ko'p gapirgandan keyin yutishing shart bo'lib qoladi", - dedi Anri.