Rimliklar ushbu mavsumda finalda "Feyenoord"ni mag'lub etib, Konferenciya ligasida g'olib chiqdi.
"Xotiralar abadiy qoladi, lekin tarixni o'chirib bo'lmaydi.
Men aql bovar qilmaydigan, unutilmas tuyg'ularni boshdan kechirdim, lekin bir narsa qulog'im ostida jaranglaydi: "Endi nima bo'ladi?.." Mavsum boshlanishidan avval barcha sovrinlarni quchoqlashni xohlardim.
Barcha futbolchilar: 54 ta o'yin o'tkazgan Rui Patrisiudan tortib, bir daqiqa ham maydonga tushmagan Petro Boergacha o'z minnatdorchiligimni bildirmoqchiman.
Lekin bu jamoada barcha har bir uchrashuvning har bir daqiqasi uchun mehnat qildi. Buni futbolning Eynshteynlari tushunmaydi va men ularga achinaman.
Futbol bu siz ko'rayotgan va ko'rib bo'lmaydigan hodisalardir. 11 kishi futbol o'ynaydi, biroq buning ortida juda ko'pchilik mehnat qiladi va bizda bunday kishilar juda ko'p edi.
O'yinchilar, murabbiylar, tibbiyot xodimlari, tahlilchilar, buyurtmachilar, oshxona xodimlari, oilalar, do'stlar va boshqalar... Men barchasidan minnatdorman.
Bir kun kelib men shaharni va "Roma"ni tark etaman - bu futbol qonuni. Istardimki, bu klubni kuboklardan tashqari ehtiros va muhabbat abadiy birlashtirib tursin", - deb yozadi "Roma" bosh murabbiyi.
Bosh sahifaga
745