Malayziya U-23 termasi bosh murabbiyi: "Bu turnir biz uchun oson bo'lmasligini tushunib turibmiz"

2022-06-01 13:50:01 / Kiritdi: BestMaster O'qilgan: 74

Mamlakatimiz mezbonlik qilayotgan U-23 Osiyo Kubogining 1-turidan o'rin olgan Janubiy Koreya - Malayziya uchrashuvi oldidan matbuot anjumani o'tkazildi.

Matbuot anjumanida Malayziya U-23 termasi bosh murabbiyi Bred Meloney va jamoa sardori Kuentin CHeng qatnashdi.

- Musobaqa va tayyorgarlik haqida...

- Hammaga xayrli kun. Biz bu turnirga etib kelganimizdan xursandmiz. Bizni oldinda Janubiy Koreya, Vetnam va Tailand kabi jiddiy raqiblar kutib turibdi. Bu musobaqaga tayyorgarlikdan ko'nglim to'ldi deya olaman. Bu turnir biz uchun oson bo'lmaydi.

- Raqibingiz Janubiy Koreya haqida nima deya olasiz?

- Janubiy Koreya dunyoning top jamoalaridan biri va top futbolchilariga ega jamoa. Bu jamoa doim chempionlikka davogar hisoblanadi. Biz ularni hurmat qilamiz.

- Jamoa sardori Kuentin CHengga savol. Bu turnirga tayyorgarligingiz va bu musobaqadan nimalarni kutyapsiz?

- Bu turnir biz uchun oson bo'lmasligini tushunib turibmiz, ammo kuchli tayyorgarlik ko'rganmiz. Bu erga biz ikki kun oldin etib keldik. Ikki-uch marta Malayziyada va yana ikki marta O'zbekistonda mashg'ulot o'tkazdik. O'ylamanki, biz tayyormiz.

Teglar: malayziya, u-23, termasi, bosh, murabbiyi, turnir, uchun, oson, bolmasligini, tushunib, turibmiz,
← Oldinga Orqaga →