Yarim himoyachi Jasur Jaloliddinov maxsus miks zonada o'yin borasidagi taassurotlari bilan o'rtoqlashdi.
"Uchrashuv qiyin bo'lishini bilgan edik. Ikkinchidan Turkmaniston himoyadan o'yin tashkil qilishi kutilgandi. Bunga tayyor edik. Bilasiz, birinchi uchrashuv doim qiyin o'tgan. Birinchi bo'limda vaziyatlardan foydalanganimizda yanada osonroq bo'lardi, deb o'ylayman. Muhimi turnirni g'alaba bilan boshlash. Xudo xohlasa navbatdagi bahslarda bundan ham yaxshi harakat qilamiz. CHunki barchamiz uchun ilk Osiyo kubogi hisoblanadi. SHunday ekan g'alabali yurishimizni davom ettirishimiz kerak",- deydi Jasur Jaloliddinov.
- Ochig'i bu o'yindan ko'p narsa kutilgandi. Balki bosim to'sqinlik qilgandir...
- Futbolda 6:0ga ham, 1:0ga ham 3 ochko beriladi. Turkmaniston futbolchilari chuqur himoyalanishdi. Agar tezkor gol urganimizda hammasi o'zgarib ketardi.
- Qisqa vaqtda terma jamoa Qatar bilan o'yinga tiklanishga ulguradimi?
- Avvalo tiklanishga, keyingi kun esa o'yindan oldingi mashg'ulotga etibor qaratamiz.
- Guruhdagi raqiblarimiz o'zaro durang o'ynashdi. Bu bizga qanchalik engillik beradi?
- SHuning uchun ham g'alaba zarur edi. Ayni paytda birinchi o'rindamiz. Hech qaysi raqibdan qo'rqmaymiz. Saudiya Arabistoni bilan ham tengma-teng o'ynagan paytimiz bo'lgan. Qaysidir terma jamoani ajratib ko'rsata olmayman.
Bosh sahifaga
3297