Poytaxtda kechayotgan mashg'ulotlarga kecha ikki nafar legioner Aziz Amonov va Eldor SHomurodov kelib qo'shildi. Yaqinda "Istiqlol" jamoasi bilan Eron chempionligini qo'lga kiritgan Aziz Amonov bu boradagi fikrlarini bildirib o'tdi.
- Avvalo Eron chempionligi bilan tabriklaymiz. Yakunlangan mavsum haqida taassurotlaringiz bilan bo'lishsangiz...
- Mavsumni mag'lubiyatlarsiz yaxshi yakunladik. Jamoa 9 yildan beri chempionlikni qo'lga kirita olmayotgan edi. Qaysidir manoda tarixga kirdik. Muxlislar natijalarimizdan xursand bo'ldi.
- SHaxsan o'zingiz o'yiningizdan qanchalik ko'nglingingiz to'ldi?
- Menimcha hech kim qoniqmaydi. O'z-o'zidan ko'ngli to'lish to'xtashga olib keladi. Doim ishlashda davom etamiz.
- Legioner sifatida ilk bor xorijda o'ynadingiz. O'zingizda qanday o'zgarish sezdingiz?
- Legioner iloji boricha diplomat bo'lib kirishib ketishi kerak. Xudoga shukur jamoam yaxshi qabul qildi. Asosan masuliyat katta bo'ldi. CHunki O'zbekiston nomidan bordim.
- Bosh murabbiy haqida qanday fikrdasiz?
- Murabbiy jamoadagi barcha bilan bir hil muomala qiladi. Ahillik bo'lgani uchun ham chempionatda mag'lubiyatga uchramadik.
- O'zbekistonda chempionlikka bonus sifatida mashinalar berilishi mumkin. Eronda bu vaziyat qanday ekan?
- Barchasi shartnomaga asoslangan. Klubga kelganimda chempion bo'lsak malum bir miqdordagi bonus berilishi aytilgan.
- Erondagi hayot tarziga ko'nikib ketdingizmi?
- Biroz farqi bor. Odamlari yaxshi. Ancha moslashdim. Jamoadagilar tashlab qo'yishmadi.
- Til bilan bog'liq muammo bo'lmadimi?
- Ko'p muloqotdan keyin ancha tushunib qoldim. Nimalar deyayotganini bilaman. Ingliz tilini o'rganishga harakat qilyapman.
- Eronda to'p tepgan futbolchilarimizdan biri zerikib qolganini, tashqaridagi hayotga o'rganishga qiynalganini aytgandi. Sizda bunday holat ro'y bermadimi?
- Yo'q. Eronga aylangani emas, futbol o'ynagani borganman. Ortiqcha narsalarga chalg'ishga vaqt yo'q.
- Terma jamoamizning saralashdagi raqiblari haqida. Ularning darajasi bizdan past ekanligi malum...
- Nima uchun raqiblarga past nazarda qarayapmiz? Hozir hamma futbol o'ynashni o'rgangan. Hurmat qilamiz. Barcha mamlakatlarda bu sport turi rivojlanmoqda.
Bosh sahifaga
128
