Kecha Janubiy Koreya va Malayziya terma jamoalari o'rtasidagi o'yinda koreyaliklar 4:1 hisobida g'alaba qozonishdi.
Uchrashuvdan so'ng bahsning eng yaxshi futbolchisi, "Malorka" klubi va Janubiy Koreya terma jamoasi azosi Li Kang-In mikst-zonada o'z fikrlarini bildirdi.
"Biz bir jamoa bo'lib g'alaba qozonishga harakat qildik, qoniqarli natijaga erishganimizdan xursandman.
Futbolchilar terma jamoaga yig'ilganiga ko'p vaqt bo'lmadi, shu sababli bazi kamchiliklar kuzatilgan bo'lishi mumkin. O'ylaymanki, kelgusi bahslarda bundan-da yaxshiroq o'yin namoyish etamiz. Nafaqat men, balki jamoadagi barcha o'yinchilar shunday maqsadni o'z oldiga qo'yishgan. Navbatdagi o'yinlargacha jamoadoshlar bilan bir-birimizni mukammal tushunib boramiz va bo'lajak uchrashuvlarda g'alaba qozonishimiz uchun hozirgidan kuchliroq tayyorgarlik ko'ramiz.
Men har doim jamoaga yordam berish uchun harakat qilaman. Bugungi bahsda ham nafim tekkanidan xursandman. Agar keyingi o'yinda menga imkoniyat berilsa, o'z ustimda yanada qattiqroq mehnat qilaman", - dedi futbolchi.
Bosh sahifaga
152