O'yindan keyingi matbuot anjumanida BAA termasi ustozi Denis Silva qatnashdi.
O'yin haqida
- Umuman olganda o'yin yaxshi bo'ldi. Murabbiy sifatida o'yindan qoniqish hosil qildim. To'g'ri, mag'lubiyatga uchradik. Ammo yaxshi o'yin ko'rsatdik. Jamoamdan faxrlanaman. Oxirgi vaqtlarda jamoa sifatida o'sdik. Biroq bugun bazi xatolarga yo'l qo'ydik. Ko'p narsa o'xshamadi. Natijaning ahamiyati yo'q. Harakat qilishda davom etamiz. Etiborimiz allaqachon Tojikiston bilan o'yinga qaratilgan.
- Bugun mayda detallar o'yinni hal qildi. BAA jamoasidagi kamchiliklar nimada deb o'ylaysiz?
- Imkoniyatlardan foydalanish. Aynan shu bizning kamchiligimizdir. Yaratilgan vaziyatlarda gol urishimiz kerak edi. Yaponiya kuchli jamoa ekanligini ham unutmaslik kerak. Ulardagi himoya chizig'i, darvozabon juda ajoyib harakat qildi.
- Keyingi o'yin Tojikiston termasiga qarshi. Ular debyutant. Bu o'yindagi imkoniyatlaringizni qanday baholaysiz?
- Tojikiston terma jamoasida o'ziga bo'lgan ishonch yuqori. Ikkala jamoada ham imkoniyatlar bo'ladi. Bugun mag'lub bo'ldik. Ammo buni allaqachon esdan chiqardik. Bor etibor keyingi o'yinga qaratilgan. Parij Olimpiadasida qatnashishni maqsad qilganmiz. SHu sabab ham, yoshlarga imkoniyat bermoqchimiz. SHu bilan birga, g'alaba qozonish ham muhim masala.
- Bugun BAA ajoyib o'yin ko'rsatdi. Umuman musobaqada jamoa uchun qanday maqsad ko'zlangan?
- Tajriba to'plash, futbolchilarni sinash. Barchaga imkoniyat berish. G'alaba uchun kurashish. Biz so'nggi soniyagacha kurashamiz.
Bosh sahifaga
203