Biz Turkmaniston jamoasi etakchilaridan biri Meylis Diniev bilan suhbatlashdik.
- G'alaba bilan tabriklaymiz, o'yin haqida taassurotlar...
- Rahmat, taassurotlarimni so'z bilan tariflash qiyin. Bugun bor kuchimiz bilan harakat qildik maydonda borimizni berdik. O'yinchilardan tortib, shifokor va murabbiylar barcha barcha borimizni berdik juda ko'p mehnat qildik va bu o'z mevasini berdi. Bugun nishonlaymiz va ertadan bu g'alabani esdan chiqarib keyingi o'yinga tayyorgarlikni boshlaymiz.
- Siz ikki kuchli raqib O'zbekiston va Eronga qarshi o'yin o'tkazdingiz. Kimga qarshi o'ynash qiyinroq bo'ldi, deb o'ylaysiz?
- To'g'risini aytsam o'zbeklar bilan o'ynash qiyinroq bo'ldi. CHunki biz bu turnirda birinchi bor ishtirok etmoqdamiz. Qolaversa, muxlislar ham raqib g'alabasida katta ahamiyat kasb etdi. Stadion to'lgan muhitda o'ynadik va bizga bu juda katta bosim berdi. Eronga qarshi o'yinda biz o'zimizga kelib ishonchimiz ortdi va ular bilan o'yinda bitta yo'limiz bor edi va u ham bo'lsa g'alaba qozonish.
- Sizning o'ynash uslubingiz, harakatlaringiz Artur Gevorkyanga o'xshab ketar ekan va murabbiyingizga Meylis Diniev ikkinchi Artur Gevorkyan bo'la oladimi, deb savol berdim. Ular menga agar yulduzlik kasalligiga chalinmasa albatta zo'r o'yinchi bo'lib etishadi dedilar. Bu haqida sizning fikringiz va O'zbekiston Superligasidan takliflar bo'lsa ko'rib chiqasizmi?
- Artur Gevorkyandek bo'lishimga hali ancha bor. Ammo O'zbekiston Superligasidan takliflar bo'lsa juda xursand va rozi bo'lib qabul qilaman.
Uchqun Azimov suhbatlashdi.
Bosh sahifaga
121