O'yindan so'ng, Avstraliya U-23 termasi bosh murabbiyi Trevor Morgan matbuot anjumanida qatnashdi.
O'yin haqida
- Juda yaxshi o'yin bo'ldi. Bu uchrashuvda ikkala jamoa ham vaziyatlar yaratdi. G'alaba qozona olmadik. Ammo ikki o'yinda ham ochko olishni uddaladik. Bu esa yaxshi. Bizda ikki ochko bor. Keyingi bosqichga chiqish imkoniyati ham saqlanib turibdi.
- Bugun raqib ham yaxshi taassurot qoldirdi. SHu haqida fikringiz..
- Albatta, bugun Iroq kuchli o'yin taqdim etdi. Iroq tarkibida bir nechta sifatli o'yinchilar bor ekan. Texnika, kurashish va yana bir necha jihatlar bo'yicha ular ajralib turishdi.
- Bir kishi kam bo'lib qoldingiz. SHu haqida fikringiz...
- Ha, 17 daqiqadagi qizil kartochka biz uchun juda qiyin sinov bo'ldi. Biz kartochkadan so'ng kuchni to'g'ri taqsimlab, o'yin strukturasini o'zgartirdik.
- Qaysi futbolchilar bu o'yinda yaxshiroq o'ynadi?
- Bu savolga javob berish menga qiyin. Yigitlarim zo'r o'ynashdi. Iroq termasining sardori ham ajoyib o'yin ko'rsatdi. 10 va 11-raqamdagi o'yinchilar ham Iroq uchun ko'p ish qilishdi.
- Qizil kartochka kartochka ko'rsatilgan munosabatingiz qanday
- Qaror qabul qilingandi. Biz hech nima qila olmasdik. Kamchilikda o'ynashga moslashdik. Vaziyatni hali ko'rmadim. Ammo o'yinchi o'sha vaziyatda to'pga harakat qilmoqchi edi. Hakam tomonidan qaror qabul qilindi. Biz esa bunga moslashishga majbur bo'ldik.
- Juda chiroyli tarzda kiritilgan golingiz haqida gapirsangiz...
- Hech kim kutmagandi. Ammo biz bu golga loyiq edik. O'yinchi zo'r harakat qildi. Futbolda bunday gollarni ko'rish ajoyib.
- Keyingi o'yinda ikkita yo'qotish bor. Bu jamoaga qanchalik tasir o'tkazadi?
- Bizda 23 ta o'yinchi bor. Ularning hammasidan foydalanishni niyat qilganmiz. O'zimizga ishonch yuqori. Bu muammo bo'lmaydi.
Bosh sahifaga
56
