- Oson bo'lmadi. Qiyin o'yinlar bo'ldi. O'z navbatida PFL va O'FA rahbariyatiga minnatdorlik bildiraman. Ular mavsumni yaxshi o'tkazib berishdi. SHuningdek, chempionatdagi jamoalarga ham kuchli raqobat uchun rahmat aytmoqchiman. Ushbu mavsumda qo'lga kiritilgan sovrinlar uchun Jizzax viloyati Hokimi Ergash Salievga ham tashakkur izxor qilmoqchiman. Ushbu inson sababli yaxshi jamoa tuzdik. Birgalikda ikki sovrinni qo'lga kiritdik.
- Mavsum jamoa uchun og'ir boshlandi. Mavsum yakuniga qadar ikki sovrin qo'lga kiritishingizni kutganmidingiz?
- Menimcha biror jamoa oldindan g'alaba qozonishini bilmaydi. CHunki hozir barcha jamoalar g'alaba uchun o'ynamoqda. Mavsum boshida bir necha jamoalar chempionlikni vazifa qildi. Yigitlar asta-sekin o'z o'yinini topib olganidan keyin chiroyli g'alabalar qo'lga kiritila boshlandi.
- Kubokdagi qaysi o'yinlar qiyin bo'ldi?
- Menimcha deyarli barcha bahs qiyin bo'ldi. Nafaqat biz, balki, boshqa uchrashuvlarda ham raqobat kuchli o'tdi. Bugun "Paxtakor" ham yaxshi o'yin ko'rsatdi. Bugun o'z imkoniyatlarimizdan foydalanganimiz uchun g'alabaga erishdik.
- Yarim finalda o'zingizning terma jamoadoshingiz Nodir Eliboevning jamoasiga qarshi bahs olib bordingiz. Bu o'yindan qanday taassurotlar qoldi?
- Jamoa yaxshi ekan, ular qarshilik ko'rsata olishdi. Tajriba evaziga ularni mag'lub etdik.
- Odatda sovrinlar qo'lga kiritilganida rahbariyat tomonidan rag'batlantiriladi. Sir bo'lmasa jamoaga nimalar sovg'a qilinadi?
- Ha, vada qilingan. Sovg'alar topshiriladi, o'shanda barcha bilib oladi.
Bosh sahifaga
110
