O'yindan so'ng Iroq U-23 terma jamoasi bosh murabbiyi Miroslav Soukup qatnashdi. Murabbiy matbuot anjumani davomida O'zbekistonga qarshi o'yin haqida ham gapirdi.
- O'yin haqida fikrlaringiz...
- Albatta, biz hozir baxtlimiz. Guruhdan chiqqanimizdan juda mamnunmiz. Bugungi g'alaba ham ajoyib bo'ldi. Ammo bu o'yin shaxsan men uchun juda qiyin bo'ldi. O'yinning boshida mag'lub bo'layotgandik. Umuman olganda xursandmiz. Oxirgi daqiqalargacha kurashdik, ishondik va g'alaba qozondik. Endi esa mezbon O'zbekiston terma jamoasi bilan bahs olib boramiz. O'zbekiston biz uchun juda jiddiy va kuchli raqib.
- O'yinchiga savol, Quvayt birinchi bo'lib gol urganda qanday hayollar o'tdi?
- G'alabadan juda xursand bo'ldim. Keyingi bosqichga chiqqanimizdan baxtliman. Butun Qarshi shahriga rahmat aytaman.
- O'yindan avval faqatgina g'alaba sizlarni qoniqtirardi. SHu haqida gapirsangiz...
- Hamma o'yinchilarim bahsdan oldin faqatgina g'alaba ularni keyingi bosqichga olib chiqishini bilardilar. SHu bilan birga biz Avstraliya va Iordaniya termalari o'rtasidagi o'yinni kuzatib bordik. Agarda ular 2:2 hisobini qayd etishganda biz keyingi bosqichga chiqa olmasdik. Biroq biz kimdir g'alaba qozonishiga ishongandik. Oxirgi qadam doim eng qiyini bo'lgan. Sababi, jamoamiz ijtoim tarmoqlarda tanqidga uchragandi. Ammo o'yinchilarimning so'nggi ikki kunda o'zlariga ishonayotganlari yaqqol ko'rindi. Bitta gol o'tazib yuborish keyin penalti qabul qilib olish va shundan so'ng 3:1 hisobida g'alaba qozonish juda qiyin ish.
- Keyingi raqibingiz O'zbekiston. Ularning Qarshidagi o'yinlarini tomosha qilasizmi?
- Albatta, dastlab mehmonxonaga boraman va shundan so'ng o'yinga qaytaman. Men o'yinni stadionda turib tomosha qilaman. O'zbekiston Qatar darvozasiga oltita gol urdi va ajoyib o'yin ko'rsatdi. O'zaro o'yinimizga juda ko'p muxlis keladi. Bu haqiqiy futbol bo'ladi. O'zbekistonga qarshi minglab muxlislar qurshovida o'ynash? Biz aynan shuni istaymiz.
Bosh sahifaga
3310