O'yin haqida
- Bugungi o'yinda barcha yaxshi harakat qildi. Afsuski g'alaba qozona olmadik. O'yinga keladigan bo'lsak, uchrashuv shiddatli bo'ldi. Eronga g'alaba kerak edi. Biz keyingi bosqich yo'llanmasini hal qilgan bo'lsak ham, bu o'yinni muhim sanab, chiroyli o'yin ko'rsatishga harakat qildik. Endilikda bor etiborimizni keyingi bosqich uchrashuviga qaratamiz.
- Rotaciya haqida
- Biz barcha futbolchilarni tekshirib olishimiz kerak edi. Bugungi o'yin orqali ularni ruhiy va jismoniy tomondan sinab oldik.
Bugungi uchrashuvda etarlicha vaziyatlar bo'ldi. Norchaev va Erkinovda ham ajoyib imkoniyatlar yuzaga keldi. Umuman olganda, hamma o'z ishini yaxshi bajardi.
Keyingi uchrashuvlarga kelsak, kim tayyor bo'lsa, o'shalar maydonga tushadi. Biz oldimizga yuqori maqsad qo'yganmiz. SHu sababli, munosib futbolchilarni maydonga tushiramiz. Eng muhimi, hamma futbolchilarimizda asosiy tarkibda maydonga tushish uchun etarlicha potencial bor. Aytganimdek, kim tayyor bo'lsa, shu boshlang'ich tarkibdan joy oladi.
Iroq terma jamoasi haqida gapiradigan bo'lsam, raqib kuchli jamoa. O'zi aslida, bu bosqichda kuchsiz jamoaning o'zi yo'q. Iroqlik futbolchilar yaxshi harakat qilishadi. Biz ushbu o'yinga munosib tayyorlanamiz deb o'ylayman.
O'zbekiston U-23 terma jamoasi darvozaboni Vladimir Nazarov:
- Keyingi bosqich bilan barchani tabriklayman. Hammamiz bu bosqichga chiqish yo'lida bor imkoniyatimizni ishga soldik. Bugungi o'yinga kelsak, bosh murabbiyimiz avvalgi uchrashuvda maydonga tushmaganlarga imkoniyat berishga qaror qildi. SHu sababli, biz ham bugungi o'yinda o'zimizning imkoniyatlarimizni namoyish etishga harakat qildik. O'ylaymanki, barcha jamoadoshlarim bugun yaxshi o'yin o'tkazishdi.
Bosh sahifaga
194
