Ushbu uchrashuvdan keyin ikki termalar murabbiylari matbuot anjumanlarida ishtirok etdi.
Janubiy Koreya bosh murabbiyi Xvang Sun Xong ishtirokidagi matbuot anjumani
- Nima uchun Li Kan In deyarli markaziy himoyachilar oldida o'ynadi?
- U yarim himoyachi sifatida yaxshi o'ynay oladi, shu bois bugun uni shu erda o'ynatdim.
- Bugun jamoangizni muxlislar faol tarzda qo'llab quvvatlab turishdi. Ularga nimadir demoqchimisiz?
- Ha, albatta. Muxlislarimizga rahmat aytaman. Bugun ular bizga katta yordam berishdi. Umid qilamanki, muxlislarimizni ushbu musobaqada yana bir necha bor xursand qilamiz.
- Bugun jamoangiz o'yiniga qanday baho berasiz?
- Ijobiy va salbiy jihatlar bo'ldi. Ishlashda va rivojlanishda davom etishimiz kerak. Ammo o'z navbatida shogirdlarimni pley-off bosqichiga chiqqanimiz bilan tabriklayman.
- Nima uchun jamoangiz faqat bitta gol urdi?
- Bu futbol. Muhimi g'alaba qozondik va guruhdan chiqdik.
Tailand termasi bosh murabbiyi Vuravot Srimaka ishtirokidagi matbuot anjumani
- Tailand futbolchilari ikkinchi taymda juda charchaganga o'xshadi. Mag'lubiyatning asosiy sababi shu bo'ldimi?
- Ha buni tan olish kerak. Bizning muhim futbolchilarimiz charchab qolishdi. Bu esa natijaga tasir qildi.
- Nima uchun bugun shogirdlaringiz raqib futbolchilarini to'xtatib qolishda qiynalishdi?
- Janubiy Koreyaning barcha futbolchilari yuqori darajada o'ynashdi. Bugun raqibga qarshilik ko'rsatish qiyin kechdi.
Bosh sahifaga
67
