"Juda xursand bo'ldim [bu xabardan], sababi bu O'zbekiston uchun muhimdir. Bizning futbolchilarga jahon darajasidagi top-klublar qiziqish bildirayotgani borasida xabarlar har kuni chiqavermaydi.
Vatandoshim va umuman chet ellik futbolchi uchun Italiya chempionatiga kelish va o'rnashib olish qanchalik qiyinligini tasavvur qilaman.
Eldorga har qanday qiyinchiliklarga qaramasdan har mashg'ulot va har o'yinda o'zini ko'rsatishini tilayman. Xudoga shukur, u hozir buning uddasidan chiqmoqda - u so'nggi o'yinlarda juda yaxshi ko'rinmoqda: yaxshi jismoniy holat va psixologik forma yig'ib oldi, unga yaxshi munosabatda bo'lishmoqda.
Men ekspert ham, insayder ham emasman, ammo o'zimning tajribamdan shuni aytishim mumkinki, hayotda hamma narsa bo'lishi mumkin. "Yuventus" haqidagi xabar chiqdimi, demak qandaydir qiziqish bo'lgan, sababi jamoa Morataga o'rinbosar izlamoqda.
Eldor - juda istedodli futbolchi, u hozirgi darajani ko'rsatishda davom etsa, unda barcha imkoniyatlar bo'ladi.
Hozir "Jenoa"ga o'rnashib olish va yaxshi futbolni ko'rsatish muhim - xudo xohlasa "Lacio", "Milan", "Inter" yoki "Yuventus" varianlari paydo bo'ladi.
Mening shaxsiy fikrim - grandlar qiziqayotgani avvalo Eldorning xizmatlari. Senda eng yaxshi agentlar bo'lishi mumkin, ammo sen futbol o'ynashni bilmasang, bu senga yordam bermaydi - agentlar o'rningga maydonga tushishmaydi", - deydi Zeytullaev.
Bosh sahifaga
168