"Guruh o'yinlari o'ziga yarasha qiyin o'yin o'tdi. Birinchi uchrashuv murakkab kechdi. Ikkinchi bahsda Qatar ustidan qozonilgan yirik g'alaba ham osonlikcha qo'lga kiritilmadi, yigitlar astoydil kurashishdi. Eron bilan munosib o'ynadik. CHorak finalga jiddiy tayyorgarlik ko'rdik. Musobaqada oson jamoaning o'zi yo'q. Ertaga ham yaxshi bellashuv bo'lishi shubhasiz", – dedi Timur Kapadze.
"Murabbiyimiz aytganidek, kuchli jamoalar yig'ilgan. Iroq ham oson raqib emas. Biz shunga yarasha munosib hozirlik ko'ramiz", – dedi Jasur Jaloliddinov.
- Raqiblar o'yindan o'yinga kuchayib bormoqda. Jamoa Iroq bilan bahsga va keyingi ehtimoliy raqib (Januboy Koreya yoki Yaponiya) bilan uchrashuvga qanchalik tayyor?
- Albatta, har bir jamoani hurmat qilamiz. Yaponiiya va Janubiy Koreya o'ziga yarasha kuchli. Bizning jamoamiz ham kuchli. Hozir faqat Iroq bilan o'yin haqida o'ylayapmiz.
- Siz bu bosqichgacha hech qaysi jamoaga mag'lub bo'lmadingiz. Nima deb o'ylaysiz, O'zbekiston chempionlikka erisha oladimi?
- Biz etiborimizni Iroq bilan uchrashuvga qaratganmiz. Albatta, maqsadimiz – chempionlikka erishish.
- Jasur Jaloliddinovga savol. Ko'rib turganingizdek, muxlislar jamoangizga 100 foiz ishonmoqda. Jamoa chempion bo'lish yo'lida bosim his qilyaptimi?
- Faqat g'alaba kerak. Aks holda ularning kayfiyati yaxshi bo'lmaydi. Hozir finalni o'ylaydigan payt emas. Diqqat-etiborni yo'qotsak, bu bizga qimmatga tushishi mumkin.
"Biz buni his qilyapmiz. Aksincha, muxlislarning ishonchi bu bizga katta kuch bermoqda", – deya qo'shimcha qildi Timur Kapadze.
- Iroq haqida nima deya olasiz?
- Iroq xoh milliy terma jamoa bo'lsin, xoh yoshlar termasi bo'lsin, har doim kurashuvchan va iqtidorli futbolchilarni o'zida jamlagan, kuchli terma jamoa bo'lgan. Hammasi maydonda hal bo'ladi.
- CHorak final bitta o'yindan iborat. Jamoangizning jismoniy holati, kuchi 90 daqiqadan keyinga ham etadimi?
- 90 daqiqadan keyin ham o'yin bo'lishi mumkin. Futbolchilar har tomonlama tayyor.
- Jasur Jaloliddinovga savol. O'zbek futbolida ko'p afsonalar etishtirib chiqqan. Hozirgi avlod shunday darajaga etisha oladimi?
- Hammasi o'z qo'limizda. Mehnat qilishdan to'xtamasligimiz kerak. Bu haqida gapirishning mavridi emas, endi 20 yoshdamiz. Endigina 20 yoshdamiz. Hali oldinda juda ko'p yo'lni bosib o'tishimiz lozim.
- Jasur Jaloliddinovga savol. Jamoa sardori sifatida jamoani qanday ruhlantira olasiz?
- Birinchi navbatda bizni jamoa bosh murabbiyi ruhlantiradi. Men ustozimizga ko'maklashaman. Bevosita maydonda qo'llab-quvvatlashga harakat qilaman.
Bosh sahifaga
215
