Timur Kapadze boshchiligidagi O'zbekiston terma jamoasi bugun chorak finalda Iroqqa qarshi maydonga tushadi.
U-23 Osiyo Kubogi. Bugun O'zbekiston iroqliklarga qarshi bahs olib boradi va chorak finaldan o'rin olgan yana biri o'yin o'tkaziladi
Afsuski, "Metallurg" klubi va ushbu terma jamoa yarim himoyachisi Ibrohim Ibragimov uchun musobaqa tugadi. Gap shundaki, Eronga qarshi bahsdan oldingi mashg'ulotda Ibragimov o'ng oyoq tizza qismidan jarohat oldi. Biz vaziyat bilan to'liq tanishish uchun terma jamoa shifokori Alisher Abdurahmonovga murojaat qildik.
"Mashg'ulotda Ibrohim Ibragimov jarohat oldi. SHundan keyin Toshkent shahridagi klinikalardan birida tekshiruvdan o'tkazilgach, futbolchining o'ng oyoq old qismi laterial menisk yirtilgani (uzilgan) aniqlandi. Ushbu jarohatni faqat jarrohlik yo'li bilan davolash mumkin. SHu sababli Ibrohim Ibragimov dushanba kuni operaciya stoliga yotadi. Jarrohlik amaliyoti Toshkent shahridagi Travmatologiya va ortopediya instituti sport jarohati bo'limida o'tkaziladi. Bunday jarohatdan keyin futbolchilar odatda ikki hafta tiklanish jarayonini boshdan kechirishadi va keyin engil mashg'ulotlarni boshlashadi. Ibragimov operaciyadan keyin taxminan bir oyda to'liq tuzalib maydonga qaytishi mumkin.
Ibrohim Ibragimov va terma jamoadagi barcha futbolchilar sog'ligi O'FA tibbiy qo'mita azolari nazoratida", - dedi biz bilan suhbatda O'zbekiston U-23 terma jamoasi shifokori Alisher Abdurahmonov.
Ibrohim Ibragimovga salomatlik va tezroq safga qaytishini tilab qolamiz!
Bosh sahifaga
195
