Go Oiva: "O'zbekistonning bir kishi kam bo'lib ko'rsatgan o'yini jamoa qanday kuchga ega ekanligini ko'rsatib turibdi"

Unda yaponiyaliklar ustozi Go Oiva fikrlarini bildirib o'tdi.

- Bugun unchalik ham ko'p imkoniyat yaratmagan bo'lsangiz ham uchta gol urdingiz. SHu haqida gapirsangiz?

- Albatta, bu ajoyib bo'ldi. Biz o'yinga yaxshi tayyorlangandik. Futbolchilar ham maydonda ajoyib harakat qilishdi. O'yin ham biz uchun omadli kechdi.

- O'zbekistonga qarshi o'yin haqida gapirsangiz. Yarim final uchrashuviga muxlislar kiritilmasligi haqidagi xabarlar ham tarqaldi...

- Muxlislar borasidagi yangilikdan xabarim yo'q. Biz bu haqida hali o'ylab ko'rmadik. SHu sababli bu mavzu haqida bir narsa deya olmayman.

- Bugungi o'yindagi g'alabaga qanday omillar sabab bo'ldi?

- Bugun agressiv o'yin ko'rsatishga harakat qildik. O'yinchilarim nima qilish kerakligini to'liq tushunib o'ynashdi. Uchta gol kiritdik va birorta ham to'p o'tkazib yubormadik. Bu esa juda yaxshi natija.

- O'yinchiga savol. Bugun ikkita gol kiritishga erizshdingiz. SHu haqida fikringiz...

- Bundan juda baxtliman. Ikkita gol va bitta assist. Ammo men har doim jamoa manfaatini yuqori qo'yaman. Birinchi navbatda jamoamga foydam tegishi kerak. 

- Bosh murabbiy va o'yinchiga savol. O'zbekistonga qarshi o'yin haqidagi fikringiz. Bu jamoa o'yinlarini kuzatdingizmi? Ushbu o'yindagi imkoniyatlaringiz qanday?

- O'zbekiston U-23 terma jamoasining kechagi o'yini ko'rdim. O'zbekistonning bir kishi kam bo'lib ko'rsatgan o'yini jamoa qanday kuchga ega ekanligini ko'rsatib turibdi. O'yinchilarning texnikasi, tezligi shunchaki ajoyib. SHu jihatdan ham biz ehtiyot bo'lishimiz kerak. Biz hozir ishni birinchi navbatda tiklanishdan boshlashimiz kerak. O'zbekiston jamoasi o'yinini o'rganiz va analiz qilish ham eng muhim ishlardan biri. 

- Ushbu savolga o'yinchining javobi qanday?

- Bu mening Osiyo qitasidagi birinchi musobaqam. Bugungi o'yinga qadar faqat Koreya haqida o'yladim. O'zbekiston haqida aniq bilmayman. Ammo ularning yarim finalga etib kelganliklari O'zbekiston qanday jamoa ekanligini anglatadi.

- Ushbu o'yindagi imkoniyatlaringiz qanday?

- Muhim o'yin. Qiyin bo'lishi aniq. Ammo biz har bir o'yinda o'z o'yinimizni rivojlantirib bormoqdamiz. Hozir qilinadigan birinchi ish bu o'