O'yindan oldin tashkil qilingan matbuot anjumanida Saudiya Arabistoni U-23 bosh murabbiyi Sadd Al SHehri va o'yinchi Hamad Al Tuhayfon o'zlarining o'yin haqidagi fikrlarini bildirib o'tishdi.
- Hurmatli murabbiy, yarim final bahsidan oldin o'z fikrlaringizni bildirsangiz...
- Avvalambor, barcha jamoalarni yarim final bosqichiga etib kelganliklari bilan tabriklayman. Avstraliyaga qarshi o'yinga to'liq tayyormiz. Finalga yo'l olamiz deb o'ylayman. Avstraliya U-23 terma jamoasi ham ajoyib o'yin ko'rsatadi. Jamoaning yarim finalga etib kelganining o'zi ham ko'p narsani anglatadi.
- Janob murabbiy, yarim finalda qanday o'yin ko'rsatishni rejalashtirmoqdasiz?
- Yarim finalda o'z o'yinimizni ko'rsatamiz. Har bir jamoaning bu bosqichdagi maqsadlari aniq bo'ladi. Toza futbol o'ynashga harakat qilamiz. Futbolchilarim o'yinga to'liq tayyor bo'lishadi deb o'ylayman.
- O'yinchi Hamad Al Tuhayfonga savol. Saudiya Arabistoni shu bosqichga qadar birorta ham gol o'tkazmadi. Buning siri nimada?
- Biz o'z ustimizda juda ko'p ishlaganmiz. Murabbiyning ko'rsatmalariga to'liq amal qilib keldik. Ertaga ham gol o'tkazmaslikka umid qilamiz.
- Avstraliya jamoasining o'yin uslubi haqida murabbiyning fikri qanday?
- Avstraliya juda kuchli jamoa. Umuman olganda bu bosqichdagi barcha jamoalar kuchli. Raqibimiz Osiyoning eng kuchli jamoalaridan biri. Ikkala jamoada ham sifatli o'yinchilar bor. G'alaba qozonishga umid qilamiz.
- Janob murabbiy, O'zbekiston va Yaponiya termalari o'rtasidagi o'yin haqida fikr bildira olasizmi?
- Bilasizmi, raqibni biz tanlay olmaymiz. Umid qilamizki, ertaga O'zbekiston va Yaponiya o'rtasidagi o'yinni finaldagi bo'lajak raqibimizni bilib olish maqsadida kuzatamiz.
- Murabbiyga savol. Avstraliyani to'xtatishda sizda qanday rejalar bor?
- O'ylashimcha, bizning yuqori tayyorgarlik. Ertaga barchaga yoqadigan o'yin taqdim qilishimizga ishonaman. Albatta, biz har qanday syurprizlarga tayyor bo'lamiz. O'yin davomida qanday holat yuz bersa ham, biz shunga yarasha o'yin ko'rsatamiz.
Bosh sahifaga
245