U-23 Osiyo Kubogi yarim finalidan o'rin olgan O'zbekiston – Yaponiya o'yinidan avval futbolchimiz Doston Tursunov uchrashuv haqida "Championat.asia"ga fikrlarini bildirib o'tdi.
- Doston, avvalo, Iroq bilan o'yindagi g'alaba bilan tabriklaymiz. 120 daqiqalik hissiyotli o'yindan so'ng yigitlar ertangi bahsga qanchalik tayyor?
- Biz o'yinga yaxshi tayyorlanyapmiz, barchaning kayfiyati yaxshi. O'yinga tayyormiz deb o'ylayman.
- Jamoa Yaponiyani o'rganib chiqqan. Ularning muhim jihatlari haqida aytib berolasizmi?
- Yaponiyaning ham ojiz va kuchli tomonlari bor. Ularning ojiz taraflarini o'rganib chiqdik. Ertaga aynan shu taraflariga "zarba berish"ga harakat qilamiz.
- CHorak finalda 120 daqiqa harakat qildingiz. Jismoniy charchoqdan chiqib keta oldingizmi?
- Albatta, tiklanish yaxshi bo'ldi. Biz uchun barcha sharoitlar yaratilgan. Muz, basseyn va boshqa yo'llar orqali tiklanishga ulgurdik.
- Ertangi uchrashuvga muxlislarning kirish-kirmasligi hali aniq emas. Bunga fikringiz qanaqa?
- Biz har ikki holatga ham tayyormiz. Agar muxlislar kirishsa, bizga yanada kuch bag'ishlashadi. O'tgan o'yinda ham muxlislar bizga 11-o'yinchi bo'lib berishdi. Ularning kirishi biz uchun yaxshi. Kiritilmasa ham tabiiyki g'alaba qozonishga harakat qilamiz.
Bosh sahifaga
106
