U-23 Osiyo Kubogi yarim finalidan o'rin olgan O'zbekiston – Yaponiya uchrashuvidan avval futbolchimiz Ulug'bek Hoshimov "Championat.asia"ga fikrlarini bildirib o'tdi.
- Ulug'bek, avvalo, Iroq bilan o'yindagi g'alaba bilan tabriklaymiz. Yaponiyaga qarshi tayyorgarlik qanday bo'ldi?
- Tayyorgarlik zo'r bo'ldi, deb bemalol aytishim mumkin. SHuncha yo'l bosib o'tib, yarim finalga ham etib keldik. Maqsadimiz – chempionlik. Nasib qilsa, bunga erishamiz.
Iroqqa qarshi o'yin qiyin o'tdi. Biz niyatimizga etishdik, deb o'ylayman. Yigitlarning ham, ota-onalarimizning ham o'ziga yarasha orzu-niyatlari bor. Yarmini bosib o'tdik, deb o'ylayman.
- O'sha o'yinning birinchi bo'limidan keyin Timur Kapadze futbolchilarga nima dediki, ikkinchi taymda o'yin O'zbekiston tomoniga o'zgardi?
- 12-daqiqada darvozabonimizga qizil kartochka berilgan edi. Bu bizga ruhiy jihatdan tasir qildi. Lekin o'yin tizginini o'z qo'limizga ola bildik. SHu orqali g'alabaga erishdik. Bundan buyog'iga ham bir jamoa bo'lib chempionlik kubogini ko'taramiz.
- Yaponiya musobaqada eng kam gol o'tkazayotgan jamoalardan biri. Bu borada sizlarda qiyinchilik bo'ladimi?
- Barcha biladiki, Yaponiya Osiyoda o'z o'rniga ega va anchagina kuchli. Ularda har taraflama yaxshi jamoa shakllangan. Biz ham o'zimizga yarasha obro'-etiborga egamiz. Yarim finalda kuchimizni ko'rsatamiz. Kuchli jamoaga qarshi yarim finalga etib keldik, buyog'iga ham taslim bo'lish niyatimiz yo'q.
- Stadionga muxlislar kiritilishi yoki kiritilmasligi haqida fikringiz…
- Bu narsani eshitib o'ylanib qoldik. Muxlislarning tashrifi bizga ruhiy tomonlama yordam berayotgandi. Qancha g'alaba qozongan bo'lsak, bularda muxlislar qo'llab-quvvatlashlari orqali hissa qo'shishgan. Qanday holat bo'lmasin, unga etibor bermasdan, oldimizdagi maqsad tomon harakat qilamiz.
Bosh sahifaga
248