Marosimda Farg'ona viloyati hokimi, viloyat futbol associaciyasi prezidenti Xayrulla Bozorov, Farg'ona viloyati Sportni rivojlantirish Bosh boshqarmasi boshlig'i Nodirbek Xakimov, Farg'ona viloyati futbol associaciyasi birinchi vice-prezidenti Nosirbek Otaqo'ziev, "Turon" PFK prezidenti Olimxon Ahmedov va boshqa mutassaddi tashkilot vakillari ishtirok etdilar. Marosim avvalida nuroniy otaxonlar ishtirokida quron tilovat qilindi. SHunday so'ng karnay-surnay sadolari ostida yangi qarorgohning rasmiy ochilish marosimi boshlandi va klub prezidenti Olimxon Ahmedovga ramziy kalit topshirildi.
"Turon" futbol klubining foydalanishga topshirilgan yangi qarorgohi klub tizimida faoliyat olib borayotgan turli yosh toifasidagi jamoalar futbolchilar uchun xizmat qiladi. Ushbu maskanda o'quv va mashg'ulot zallari, anjumanlar zali, tibbiy sog'lomlashtirish xonalari, yotoqxona, oshxona, murabbiylar xonasi kabi, yuvinish xonalari, basseynlar mavjud bo'lib, bularning barchasi jamoaning yosh va asosiy tarkib jamoalarining faolligini oshirish, sog'lomlashtirish, ularning jismoniy imkoniyatlarini meyorida ushlab turish kabi maqsadlarda foydalaniladi.
Klub qarorgohining umumiy quvvati 65 o'ringa mo'ljallangan. Qarorgohning o'quv va mashg'ulot zallaridan klub akademiyasida talim olayotgan yosh futbolchilar ham foydalanishlari uchun sharoitlar tashkil etiladi.
Bosh sahifaga
119