Bahrayn futbol associaciyasi OFKga 2023 yili o'tkazilishi kerak bo'lgan U-17 Osiyo kubogiga mezbonlik qila olmasligini malum qildi. OFK esa bu talabni qabul qilgan.
Bahrayn futbol associaciyasi bosh kotibi Rashid Al Zoubi OFKdan associaciya ushbu yosh toifasidagi qita birinchiligini qabul qilishdan bosh tortganidan afsusda ekanligini malum qilgan. Bahrayn futbol associaciyasi ushbu turnirni qabul qilishni juda istayotgani, ammo bazi omillar aynan shunday qarorga kelishga majbur qilganini qo'shimcha qilgan.
OFK qaroriga ko'ra, Bahrayn U-17 terma jamoasi Osiyo Kubogining yakuniy bosqichiga to'g'ridan-to'g'ri yo'l olish imkoniyatidan ayrildi.
U-17 Osiyo kubogi saralash bosqichida jamoalar 11 guruhga bo'lingan holda yakuniy bosqich yo'llanmasi uchun kurashishadi. U-17 Osiyo kubogining yakuniy bosqichiga ushbu guruhlarda birinchi o'rinni egallagan barcha jamoalar va ikkinchi o'rinni egallagan eng yaxshi 5 ta jamoa yo'l oladi.
OFK tez orada ushbu musobaqaning yakuniy bosqichiga mezbonlik qiluvchi mamlakat nomini elon qiladi.
U-17 Osiyo chempionati saralashiga qura tashlandi. O'zbekiston Janubiy Koreya bilan bir guruhdan joy oldi
Bosh sahifaga
120