O'zbekiston futbol associaciyasi U-23 Osiyo kubogi final uchrashuvi chiptalari masalasida rasmiy izoh berdi. O'zbekiston futbol associaciyasi bayonotiga ko'ra, bugun iTicket.uz saytiga tashrif buyuruvchilar oqimi juda ko'p bo'lganligi sababli saytda nosozliklar yuzaga kelgan.
"U-23 Osiyo kubogi final uchrashuviga qiziqish yuqori bo'lmoqda. Bugun iTicket.uz onlayn platforma tomonidan va “Bunyodkor” stadioni kassalarida chiptalar sotuvi boshlandi. iTicket.uz kompaniyasining malum qilishicha, saytga tashrif buyuruvchilar ko'pligi sabab platformada texnik nosozlik yuzaga kelgan va yaqin vaqt ichida bu muammo bartaraf etiladi. Saytdagi nosozlik sabab kassalarda katta navbatlar kuzatilgan. Umid qilamizki, chiptalar sotuvi davom ettirilib, futbol muxlislari tartibga rioya qilgan holda ularni xarid qilishadi", -deyiladi O'FA rasmiy bayonotida.
SHu bilan birga, "Bunyodkor" stadioni kassalari atrofida ko'plab chayqovchilar borligi ham O'FA tomonidan qayd etilgan. Videomurojaatda iTicket.uz sayti malumotlariga ko'ra bugun 10 mingta chipta sotilgani qo'shimcha qilingan.
Bosh sahifaga
138