"Coca-cola Superliga uchrashuvlari vaqtlari “Sport” telekanali bilan hamkorlikda avvaldan malum qilib kelinmoqda. Bellashuvlar, shuningdek, “Dunyo bo'ylab” telekanali orqali ham jonli namoyish etiladi.
“Dunyo bo'ylab” sportga ixtisoslashmagan bo'lsa-da, MTRK jonli uchrashuvlar sonini ko'paytirish maqsadida telekanalni ham teletranslyaciyalarga jalb qilgan. Mana shunday holatda O'zbekiston Professional futbol ligasi ham ayrim jambahalarda telekanal rejalari bilan hisoblashishi to'g'ri bo'ladi. SHundan kelib chiqib, “Sport” taklif kiritdi va avvalroq elon qilingan uch uchrashuv vaqti o'zgardi.
26 iyun kuni 11-turning qoldirilgan o'yini doirasida “Olimpik” Bekobodda mehmon bo'ladi. 30 iyun kuni esa Bekobodga Toshkentning boshqa bir klubi “Lokomotiv” tashrif buyuradi. Aynan shu ikki uchrashuv 20:00 dan 19:00 ga ko'chirildi. SHuningdek, o'z uy uchrashuvlarini endilikda Olmaliqda o'tkazib kelayotgan “Surxon” 29 iyun kuni “Neftchi”ga qarshi bellashuvni ham 19:00 da boshlaydi", — deyiladi xabarda.
Bosh sahifaga
173