"Durang adolatli natija bo'ldi. Yigitlarga rahmat! "Mashal"ni bilasizlar, "Turon", "Buxoro" va "Andijon" kabi Superligaga davogar jamoalardan sanaladi. Kutilganidek, o'yin nazorati biz tomonda bo'lganida ham, ular vaziyatlar yaratishga intilishdi. Xato evaziga gol o'tkazib yubordik.
O'yin davomida bir golimiz hisoblanmadi. Hakamlar ishini muhokama qilmaymiz, ularni nazorat qiluvchi markaz bor. Vaziyatni takroran ko'rib chiqamiz. Tushunarsiz bo'ldi, qaror tez va darrov chiqarilmadi.
Rokki Marchianoda jarohat? Ha, unda o'yindan oldin ozroq jarohat bor edi. O'zi bilan gaplashganimizda o'ynay olishini bildirdi, u jamoamiz uchun muhim futbolchi.
Zaxiradan maydonga tushgan futbolchilar o'yinni kuchaytirdi. Bugungi o'yin uchun hammaga rahmat", – dedi mezbonlar ustozi.
Bosh sahifaga
222
